الماتى ICCA حالىقارالىق كونگرەسستەر مەن كونفەرەنسيالار قاۋىمداستىعىنىڭ رەيتينگىنە ورالىپ، كوۆيدكە دەيىنگى كورسەتكىشتى جاقسارتتى. بۇل تۋرالى وڭىرلىك كوممۋنيكاسيالار قىزمەتى حابارلادى.

2023 جىلى الماتى (ICCA) حالىقارالىق كونگرەسستەر مەن كونفەرەنسيالار قاۋىمداستىعىنىڭ رەيتينگىندە 308ء-شى ورىنعا يە بولدى. سالىستىرۋ ءۇشىن، 2019 جىلى كوۆيدكە دەيىنگى كەزەڭدە الماتى 377ء-شى ورىندى يەلەنگەن.

جىل سايىن ICCA وتكىزىلگەن حالىقارالىق كونگرەستەر مەن كونفەرەنسيالار سانى بويىنشا قالالاردىڭ رەيتينگىن جاريالايدى. بۇل رەيتينگ بۇكىل الەم بويىنشا ىسكەرلىك ءىس-شارالاردى وتكىزۋ ءۇشىن ەڭ تانىمال ورىندار تۋرالى اقپاراتتى ۇسىنادى.

جاھاندىق رەيتينگتىڭ كوشباسشىسىنا ءداستۇرلى تۇردە پاريج (156 كەزدەسۋ)، سينگاپۋر (152 كەزدەسۋ)، ليسسابون (151 كەزدەسۋ)، ۆەنا (141 كەزدەسۋ) جانە بارسەلونا (139 كەزدەسۋ) كىرگەن. استانا قالاسى رەيتينگتە 332-ورىندا تۇر. جالپى ءبىر جىل ىشىندە ەلدە 13 حالىقارالىق ىسكەرلىك ءىس-شارا وتكەن. بۇل رەتتە شەتەلدىك ءتۋريستىڭ ورتاشا چەگى 1438 اقش دوللارىن قۇرادى.

ICCA-عا مۇشەلىك الماتىدا MICEء-تۋريزمدى (ىسكەرلىك ءتۋريزمدى) دامىتۋدا شەشۋشى ءرول اتقارادى. بۇل قالاعا تۋريستىك ۇيىمدارمەن جاڭا سەرىكتەستىك ورناتۋعا، حالىقارالىق ءىس-شارالاردى كوبىرەك تارتۋعا جانە حالىقارالىق ارەنادا بەدەلىن ارتتىرۋعا مۇمكىندىك بەرەدى. ICCA-عا كىرۋ – الماتىنىڭ ىسكەرلىك تۋريزم ورتالىعى رەتىندەگى ۇستانىمىن نىعايتۋ جانە ونىڭ حالىقارالىق ىسكەرلىك وقيعالار ءۇشىن تارتىمدىلىعىن ارتتىرۋ جونىندەگى ستراتەگيانىڭ ءبىر بولىگى.

ICCA رەيتينگى وتكىزىلگەن ءىس-شارالاردىڭ سانى مەن اۋقىمىنا بايلانىستى جىل سايىن وزگەرىپ وتىرادى. ICCA مۇشەلەرىنە 88 ەلدەن 950 قالا كىرەدى جانە قاۋىمداستىق MICE يندۋسترياسىنداعى ىنتىماقتاستىقتى جانە دامۋدى قولدايتىن ماڭىزدى دەرەكتەر مەن زەرتتەۋلەردى ۇسىنادى. الماتىدا جىلىنا 20-عا دەيىن حالىقارالىق ىسكەرلىك ءىس-شارا وتكىزۋ جوسپارلانىپ وتىر، بۇل MICEء-تۋريزمنىڭ الەمدىك رەيتينگىندە قازاقستاننىڭ پوزيسياسىن نىعايتۋعا كومەكتەسەدى، وندا ول 80ء-شى ورىندا.