جىل سايىن 15 مامىردا بۇكىل الەم جۇرتشىلىعى بۇۇ بەكىتكەن حالىقارالىق وتباسىلار كۇنىن اتاپ وتەدى. وتباسى – سىيلاستىق پەن مەيىرىم، ماحاببات پەن قۇرمەت ورتاسى. وتباسى قوعام وزەگى، رۋحاني جانە مادەني داستۇرلەردىڭ ساقتاۋشىسى. مەملەكەتتىڭ دامۋىندا، قوعامنىڭ قالىپتاسۋىندا وتباسىنىڭ، ۇرپاق تاربيەسىنىڭ ماڭىزى زور. سەبەبى مەملكەت كىشكەنتاي وتباسىلاردان قۇرالادى. وتباسى كۇنىنىڭ كاپيتاليستتىك قوعامدا تىرشىلىك قامىتىمەن ادام ءۇشىن شىن مانىندە ماڭىزدى بولاتىن سول قۇندىلىقتاردى ەسكە سالۋدا اتقارار ءرولى زور. بۇل كۇننىڭ دە ەرەكشەلىگى وسىندا. وسىعان وراي، "ازاماتتارعا ارنالعان ۇكىمەت" ارنايى ستاتيستيكا دايىندادى.
مەملەكەتتىك كورپوراسيانىڭ مالىمەتى بويىنشا قازاقستاندا 10 ايدا 103 مىڭنان استام نەكە تىركەگەن، ال 2024 جىلدىڭ باسىنان بەرى 40 مىڭ جاڭا وتباسى قۇرىلدى. نەكە سانى بويىنشا كوش باستاپ تۇرعان الماتى، استانا جانە شىمكەنت قالالارى. الماتى وبلىسى بويىنشا وسى ارالىقتا 6413 (2024 جىلدىڭ ءقاڭتار-ساۋىر ارالىعىندا - 2602) نەكە تىركەلدى.
نەكە ينستيتۋتىن نىعايتۋ مەملەكەت ساياساتىنا دا وڭ اسەر بەرەدى. ۇلت پەن مەملەكەتتىڭ ءوزى وتباسىدان باستالادى. عىلىمي-تەحنولوگيالاردىڭ قارىشتاپ دامۋى ارقىلى قوعام ۇلكەن وزگەرىستەرگە تاپ بولدى. اقپاراتتىق شەكارالار جويىلعان جاڭا عاسىر جاڭا ماسەلەلەرىن دە قوسا الا كەلدى. سيفرلىق تەحنولوگيالار وتباسىلاردىڭ ءال-اۋقاتى مەن الەۋمەتتىك دامۋىنا ىقپال ەتەدى. الايدا قوعام قالاي وزگەرسە دە، وتباسىنىڭ ماڭىزى تومەندەمەۋى ءتيىس.
سونىڭ ارقاسىندا 2023 جىلدىڭ شىلدەسىنەن باستاپ ەلىمىزدىڭ 328 مىڭ ازاماتىنىڭ تۋۋى تىركەلدى. الماتى وبلىسىندا 29725 بالاعا تۋۋ تۋرالى كۋالىك راسىمدەلگەن. ايماق بويىنشا 4 ايدا 9305 بالا دۇنيە ەسىگىن اشقان.
ەستەرىڭىزگە سالا كەتەيىك، 2023 جىلعى 1 شىلدەدە "ازاماتتارعا ارنالعان ۇكىمەتكە" ازاماتتىق حال اكتىلەرىن تىركەۋ فۋنكسيالارى بەرىلگەن بولاتىن.
پىكىر قالدىرۋ