بۇگىن نۇر-مۇباراك ۋنيۆەرسيتەتىندە «يسلامدىق باعىتتاعى دەسترۋكتيۆتى جانە راديكالدى ءدىني يدەولوگيانى ۇستانۋشىلاردى راديكالدى كوزقاراستان ارىلتۋ جانە وڭالتۋ سالاسىنداعى مامانداردىڭ بىلىكتىلىگىن ارتتىرۋ»كۋرسى سالتاناتتى تۇردە اشىلدى. قازاقستان رەسپۋبليكاسى مادەنيەت جانە اقپارات مينيسترلىگىنىڭ ءدىن ىستەرى كوميتەتىمەن بىرلەسكەن جوبا بيىل بەسىنشى جىل قاتارىنان وتۋدە. كۋرستىڭ اشىلۋ سالتاناتىندا نۇر-مۇباراك ۋنيۆەرسيتەتىنىڭ رەكتورى، پروفەسسور مۇحامماد اش-شاححات جات اعىمعا ەرۋشىلەرمەن جۇمىس ىستەۋ سالاسىنداعى ەرەكشەلىكتەرگە توقتالىپ، قاتىسۋشىلارعا ساتتىلىك تىلەدى.

بىلىكتىلىگىن ارتتىرۋ ءۇشىن ەلىمىزدىڭ تۇكپىر-تۇكپىرىنەن يسلامتانۋشى، تەولوگ، ءدىنتانۋشى،يمامدار، بارلىعى 77 مامان كەلگەن. بۇل جايلى كۋرس مەنەدجەرى نمۋ پروفەسسورى سۇلۋ ناعاشىباي قىزى حابارلادى. ءبىر ايعا جوسپارلانعان كۋرس 15 پانگە، 140 اكادەميالىق ساعاتقا نەگىزدەلگەن. ءدارىستى وتاندىق بىلىكتى ءارى جەتەكشى مامانداردان قۇرالعان وقىتۋشى-پروفەسسورلار ءدارىس بەرەدى. اتاپ ايتساق، ەلءىءمىزدەگى بىرەگەي يسلامي جوعارى ءبىلىم ورداسى نۇر-مۇباراك ەيمۋ، گۋميليەۆ اتىنداعى ەۇۋ، قازاقستان مۇسىلماندارى ءدىني باسقارماسى، سونداي-اق قر ۇقك اكادەمياسىنىڭ تاجىريبەلى ماماندارى ءدارىس بەرەدى.

«كۋرس ءدىن سالاسىنداعى ماماندار ءۇشىن ۇلكەن سەرپىلىس ءارى ناتيجەلى بولىپ كەلەدى»،-دەدى كۋرستىڭ ۇزدىكسىز مەنەدجەرى سۇلۋ يسابايەۆا. سەبەبى كۋرس اكادەميالىق ءتاسىلءىمەن ءارى دەراديكاليزاسيا ادىستەرىنىڭ اكادەميالىق ماسەلەلەرىن، ماقساتتى توپتارمەن (راديكالدارمەن) اتاۋلى ءتۇسىندىرۋ جۇمىسىن ۇيىمداستىرۋ، دەسترۋكتيۆتى ءدىني اعىمدارعا ەرۋشىلەرمەن جۇمىس ىستەۋدىڭ ادىس-تاسىلدەرىن قامتيتىن وزەكتى دارىستىك باعدارلاماعا نەگىزدەلگەن. كۋرس سوڭىندا بارلىق قاتىسۋشىلارعا ارنايى سەرتيفيكاتتار تابىستالادى.