ەندى قازاقستاندا پەتيسيانى قاراۋعا قابىلداۋ ءۇشىن جينالۋى كەرەك قول مولشەرى ارتۋى مۇمكىن. بۇل تۋرالى ايدا بالايەۆا مالىمدەدى. بۇعان دەيىن پەتيسيا قارالۋى ءۇشىن 50 مىڭ ادامنىڭ قول قويۋى جەتكىلىكتى بولاتىن. ەندى مينيسترلىك ونىڭ سانىن كوبەيتۋدى قاراستىرماق.
"ءقازىردىڭ وزىندە داۋىس بەرۋ شەگىن جانە وتىنىشتەردى قارايتىن مەملەكەتتىك ورگانداردىڭ سانىن كوبەيتۋ كەرەك دەگەن ۇسىنىستار ايتىلىپ جاتىر. ءبىز، ارينە، ۇسىنىستاردى قاراستىرامىز"، – دەدى بالايەۆا سەنات وتىرىسىندا.
مينيستر جينالۋى كەرەك قول مولشەرى قانشاعا كوتەرىلەتىنىن ناقتىلامادى. الايدا ۋتيلالىمعا قارسى پەتيسيا قارالۋ ءۇشىن جەتكىلىكتى قول جيناعانىن اتاپ ءوتتى.
سونداي–اق، اقپارات ءمينيسترى "پەتيسيا مەملەكەتتىڭ ءوز قالاۋىن ىستەتۋ قۇرالىنا اينالۋى مۇمكىن" دەگەن پىكىرمەن كەلىسپەيتىنىن اتاپ ءوتتى.
پىكىر قالدىرۋ