الماتىنىڭ تۇنگى كلۋبىندا ەسىرتكى تاراتۋمەن اينالىسقان ەر ادام 10 جىلعا باس بوستاندىعىنان ايىرىلدى. بۇل تۋرالى الماتى قالالىق پد ەسىرتكى قىلمىسىنا قارسى كۇرەس باسقارماسى مالىمدەدى.

بىلتىر قىركۇيەك ايىندا تۇنگى كلۋبتا سينتەتيكالىق ەسىرتكى ساتىپ جۇرگەن 27 جاستاعى جىگىت ۇستالعان بولاتىن. ءتىنتۋ كەزىندە كۇدىكتىدەن سينتەتيكالىق ۇنتاق سالىنعان تۇيىنشەك تابىلىپ، سوت-حيميالىق ساراپتاماعا جىبەرىلگەن.

"سوتتا ول قىلمىستىق كودەكستىڭ 297-بابى، 3-بولىگىنىڭ 6-تارماعى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ، قوعامدىق ورىندا جاسالعان ىس-ارەكەتتەر) بويىنشا كىنالى دەپ تانىلىپ، 10 جىلعا باس بوستاندىعىنان ايىرىلدى"، – دەلىنگەن حابارلامادا.