قازاقستاندا ەندى زەينەتاقى تولەمدەرىنەن تابىس سالىعى الىنبايدى

/image/2024/06/19/crop-38_8_622x1106_swq8mchmhkiudrc0cwizwosd1exucras6lyifn3g.jpg_width=1200xheight=autoxtype=1.jpg

ۇلتتىق ەكونوميكا مينيسترلىگىنىڭ وكىلدەرى تۇرعىنداردىڭ كودەكسكە تۇزەتۋ ەنگىزۋدى وتىنگەنىن ايتتى. ماسەلەنىڭ الەۋمەتتىك ماڭىزى جەكە تابىس سالىعىن الىپ تاستاۋعا ىقپال ەتكەن.

ايتۋلارىنشا، جۇمىس توبى حالىقارالىق تاجىريبەلەردى زەردەلەگەن كەزدە الەمنىڭ كوپتەگەن ەلدەرىندە زەينەتكەرلەرگە سالىقتىق جەڭىلدىكتەر بەرىلەتىنىنە كوز جەتكىزگەن. سوندىقتان قوردان اۋدارىلاتىن تولەمدەرگە سالىق سالماۋدى ۇيعارىپتى. ءبىراق بۇل قاعيدا زەيتنەتكەر شەتەلگە قونىس اۋدارسا، نە تولەمدەر مۇراگەرلىك جولمەن بەرىلسە قولدانىلمايدى. ال جەكە تابىس سالىعى بويىنشا بيۋدجەت شىعىنى شامامەن 4 ميلليارد تەڭگە بولماق. قۇجات تامىزدا دەپۋتاتتاردىڭ قاراۋىنا جىبەرىلەدى.

“حالىقارالىق تاجىريبەلەردى زەردەلەدىك. ماسەلەن، اۋستراليادا 60 جاسقا تولعان زەينەتكەرلەرگە ەشقانداي سالىق سالىنبايدى. ەكونوميكالىق ىنتىماقتاستىق جانە دامۋ ۇيىمىنا كىرەتىن 11 مەملەكەتتىڭ ىشىندە زەينەتكەرلەردىڭ تولەمدەرىندە دە سالىق جوق. ال كەيبىر ەلدەردە وسىنداي قارجىلىق، قارجىلىق ەمەس ىنتالاندىرۋ قولدانادى ەكەن. ونىڭ ىشىندە سالىقتىق جەڭىلدىكتەرى دە بار”، – دەدى سالىق جانە كەدەن ساياساتى دەپارتامەنتىنىڭ باس ساراپشىسى جازيرا مىڭبايەۆا. 

قاتىستى تەگتەر :

قاتىستى ماقالالار