ستاتيستيكاعا سۇيەنسەك، اتىراۋ، ماڭعىستاۋ جانە ۇلىتاۋ وبلىستارىنداعى تۇرعىنداردىڭ ايلىق تابىسى جوعارى. سونداي-اق العاشقى بەستىككە استانا مەن الماتى دا كىرەدى. ال جەتىسۋ، سولتۇستىك قازاقستان جانە جامبىل وبلىستارىندا، كەرىسىنشە، جالاقى مولشەرى تومەن.

الەم بويىنشا قازاقستان 196 ەلدىڭ ىشىندە 80-ورىندا تۇر. امەريكا ۆاليۋتاسىنا ايىرباستاساق، ءبىزدىڭ ورتاشا جالاقىمىز 673 دوللارعا تەڭ. تمد ەلدەرىنىڭ ىشىندە ءبىز رەسەيدەن (2،2 مىڭ دوللار) كەيىنگى ەكىنشى ورىندامىز. رەيتينگتە بىزدەن تومەن تۇركىمەنستان (654 دوللار)، بەلارۋس (621 دوللار)، ارمەنيا (541 دوللار)، ءازىربايجان (494 دوللار)، وزبەكستان (351 دوللار)، قىرعىزستان (228 دوللار) جانە تاجىكستان (169 دوللار) تۇر.

ال دۇنيەجۇزىندە ەڭ جوعارى جالاقى شۆەيساريادا تىركەلدى — 8،1 مىڭ دوللار. العاشقى ۇشتىكتە ليۋكسەمبۋرگ پەن اقش تۇر. ەڭ تومەنگى جالاقى لەسوتودا (24 دوللار)، انگولادا (27 دوللار) جانە مالاۆيدە (31 دوللار).