ساۋد ارابياسىنىڭ مەككە قالاسىندا قاجىلىق كەزىندە اپتاپ ىستىقتان 500-دەن استام ادام قايتىس بولدى. كوز جۇمعانداردىڭ 320-سىنىڭ مىسىردان كەلگەنى انىقتالدى. يوردانيادان كەلگەن 60 ادامنىڭ دا ىستىقتان دەمى ءۇزىلدى. ناقتى ايتقاندا، 577 ادام جان تاپسىردى دەگەن دەرەك بار. 

ساۋد ارابياسىنىڭ بيلىگى اپتاپ ىستىقتان 2 مىڭنان استام ادامنىڭ اۋرۋحاناعا جاتقىزىلعانىن حابارلادى. مىسالى، 16 ماۋسىمعا دەيىن ىستىقتان 2 مىڭعا جۋىق قاجىعا ءبىرىنشى كەزەكتەگى مەديسينالىق كومەك كورسەتىلىپ، ولار دەرەۋ اۋرۋحاناعا جەتكىزىلگەن. كەلەسى كۇنى 17 ماۋسىمدا مەككەدەگى حارام مەشىتىندە اۋا تەمپەراتۋراسى 51،8 گرادۋسقا جەتكەن.

ساۋد ارابياسىندا ءدىني راسىمدەر وتكىزىلەتىن ايماقتاردا اۋا تەمپەراتۋراسى 10 جىل سايىن 0،4 گرادۋسقا كوتەرىلەدى. سول سەبەپتى جەرگىلىكتى اتقارۋشى ورگان دۇنيەجۇزىنىڭ تۇكپىر-تۇكپىرىنەن قاجىلىققا كەلىپ، پارىزىن وتەيتىن تۋريستەرگە اپتاپ ىستىقتا قولشاتىرلاردى قولدانىپ، كۇننىڭ ەڭ ىستىق كەزىندە كۇن ساۋلەسىنەن قورعانۋعا كەڭەس بەرەدى. الايدا قاجىلار اشىق اسپان استىندا ارافات تاۋىنا شىعىپ، دۇعا ەتۋ سەكىلدى راسىمدەردى جاساعاندا ەسكەرتۋدى ەلەمەيدى، – دەلىنگەن حابارلامادا.

بيىل ساۋد ارابياسىنا قاجىلىق پارىزىن وتەۋگە 1 ملن 800 مىڭ ادام بارعان.