ءماجىلىس كۋلۋارىندا پرەمەر-مينيستردىڭ ورىنباسارى تامارا دۇيسەنوۆا ePetition.kz پلاتفورماسىندا زەينەت جاسىن 55-كە دەيىن تومەندەتۋگە قاتىستى پەتيسياعا قول جينالىپ جاتقانىنا قاتىستى پىكىر ءبىلدىردى.

ول زەينەتاقى جيناعى جەتسە، قازاقستاندىق ايەلدەر 53 جاستان باستاپ شىعۋىنا بولادى دەپ وتىر.

"بىرىنشىدەن، ءبىز زاڭنامادا ايەلدەردىڭ زەينەتكە شىعۋ جاسىن 61 دەپ بەكىتتىك. وسىنداي پەتيسياعا قول قويسا، ارينە ءبىز مۇنداي ءوتىنىشتى قارايمىز. ءبىراق ءبىز 55 جاستا زەينەتكە شىعاتىن بولساق، جەتكىلىكتى دەڭگەيدەگى زەينەتاقى الامىز با، سونى ويلاۋىمىز كەرەك. ءبىزدىڭ زاڭنامادا زەيتنەتكە ەرتە شىعۋ كورسەتىلگەن، زەينەتاقى قورىنداعى جيناق جەتكىلىكتى بولسا، 53 جاستا شىعۋىنا بولادى. 1998 جىلدان كەيىنگى زەينەتاقى رەفورماسىن جۇرگىزگەننەن كەيىن ءبىز زەينەتاقىمىزدى زەينەتاقى قورىندا جينالعان اقشادان الامىز. ءبىز ەرتە شىعايىق دەپ ايتقاندا، مەملەكەت تولەيدى دەپ ويلايمىز. مەملەكەت تەك بازالىق زەينەتاقىنى تولەيدى"، - دەپ ءتۇسىندىردى دۇيسەنوۆا.