كييەۆتە وپپوزيسيالىق جۋرناليست، Youtube-تاعى "باسە" كانالىنىڭ اۆتورى ايدوس سادىقوۆ كوز جۇمدى. بۇل تۋرالى ءجۋرناليستىڭ ايەلى ناتاليا سادىقوۆا حابارلادى.
ونىڭ ايتۋىنشا، ايدوس سادىكوۆ كييەۆ ۋاقىتى بويىنشا 3:00-دە قايتىس بولعان. سادىقوۆ جانساقتاۋ بولىمىندە 13 كۇن جاتقان.
وپپوزيسيالىق ءجۋرناليستى 18 ماۋسىمدا ۋكراينا استاناسى كييەۆتە بەلگىسىز بىرەۋ كولىگىندە وتىرعان كەزىندە باسىنان اتىپ كەتكەن.
20 ماۋسىمدا ۋكراينا قۇزىرلى ورگاندارى قاستاندىق جاسادى دەلىنگەن ەكى كۇدىكتى انىقتالعانىن حابارلادى. ولاردىڭ ەكەۋى دە قازاقستان ازاماتى.
ق.توقايەۆ تەرگەۋگە اتسالىسۋعا قازاقستان تاراپى دايىن، تەرگەۋ ءوزىنىڭ جەكە باقىلاۋىندا ەكەنىن مالىمدەدى.
پىكىر قالدىرۋ