جۋرناليست جويقىن ورتتەن كەيىن وڭىردەگى وزگەرىستەردى بايقاپ قايتتى. اتاپ ايتقاندا، جاڭا تەحنيكالار، ورمانشىلاردىڭ قازىرگى احۋالى مەن جالاقىسى تۋرالى سۇرادى.

“پرەزيدەنت اپپاراتىنان كەلەتىندەردىڭ ايتاتىندارى ءبىر. ۋادە بەرىپ كەتەدى، ءبىراق ەشتەڭە ورىندالمايدى. تەحنيكانى ساتىپ العان، ءبىراق ول قاجەتسىز بولىپ شىقتى. جالاقىنى كوتەرىمىز دەدى، قۇجاتتى مينيسترلىككە جىبەرىپتى. ونىڭ قارالىپ جاتقانىنا ءبىر جىل بولدى”، – دەيدى ورمانشىلاردىڭ ءبىرى.

ولاردىڭ اراسىندا ءورت كەزىندە ۇلىنان ايىرىلعان ورمانشى دا بار ەكەن. ايتۋىنشا، پرەزيدەنت جاردەماقى بەرەمىز دەپ ۋادە ەتكەن. الايدا ونى ورىنداپ جاتقان ەشكىم جوق.

“مەن ۇلىمنان ايىرىلدىم. قازا بولعانداردىڭ اراسىنداعى ەڭ جاسى ەدى. 24 جاسىندا كەتتى. وتباسىمىزعا كومەكتەستى، ءبىراق ۋادەلەرىن تولىق ورىنداعان جوق. پاتەر، اقشا بەردى. ودان بولەك پرەزيدەنت وتباسىلارعا جاردەماقى بەرىلەدى دەدى. ءبىراق ءبىز ونى الا الماي كەلەمىز. زاڭعا سايكەس بەرىلمەيدى ەكەن. بالامنان ايىرىلسام دا، وسى جەردە جۇمىس ىستەپ كەلەمىن. ويتكەنى وسى جەردە تۋدىم، بار ءومىرىم وسىندا ءوتتى. تاعى ءبىر ۇلىم بار. ءبىراق ونى بۇل جەرگە جولاتپايمىن. مەنىڭ ۇلىمدى ەشقانداي اقشا قايتارمايدى. ايلىعىم 89 مىڭ تەڭگە. تەك تۇراقتى تۇردە جۇمىس ىستەيتىندەردىڭ جالاقىسىن كوبەيتتى. ال مەن مەزگىلمەن جۇمىس ىستەيمىن. “سەمەي ورمانى” قىزمەتكەرلەردىڭ جۇمىس ىستەگەنىن قالايدى، الايدا ايلىقتى كوتەرگىسى كەلمەيدى”، – دەيدى ورمانشى. 

ال بورودۋليحا اۋدانىنداعى ورمان شەبەرىنىڭ ايتۋىنشا، ينسپەتورلاردىڭ جالاقىسىن 100% كوتەرگەن.

“مەنىڭ ورمان شەبەرى بولىپ قىزمەت ەتىپ كەلە جاتقانىما 10 جىلدان استى. بۇرىن ايلىعىم 120 مىڭ ەدى. ءقازىر 260 مىڭعا كوتەردى. مۇندا مەنىڭ جۇمىس تاجىريبەم مەن ءبىلىمىم ەسكەرىلگەن. ءورت ءسوندىرۋ ءاۆتوموبيلىنىڭ جۇرگىزۋشىسى، وپەراتورلار مەن ۆىشكارلاردىڭ ايلىعىن كوتەردى. ماۋسىمدىق قىزمەتكەرلەردىڭ جالاقىسى كوتەرىلدى. مۇندا ماسەلە ونىڭ قانشا كۇن جۇمىس ىستەيتىنىندە. ماۋسىمدىق قىزمەتكەرلەر اۋىسىممەن جۇمىس ىستەيدى. ياعني، ءبىر ايدا 10-15 كۇن جۇمىستا بولادى. وندا ساعاتىنا اقشا تولەيدى”، – دەيدى جەرگىلىكتى ورمانشى.