استانادا 937 ادام تىركەلگەن پاتەر انىقتالدى، دەپ حابارلايدى استانا قالاسىنىڭ پروكۋراتۋراسى.
"رەزەڭكە" پاتەردى ەلوردا پروكۋراتۋراسى كوشى-قون زاڭناماسى تالاپتارىنىڭ ساقتالۋىن تەكسەرگەن كەزدە انىقتاعان.
"جالپى اۋدانى 35،7 شارشى مەتر ءبىر بولمەلى پاتەردە 937 ادام تىركەلگەن. زاڭسىز كوشى-قوندى ۇيىمداستىرۋ فاكتىسى بويىنشا قىلمىستىق ءىس تىركەلدى. مەملەكەتتىك ايىپتاۋشى – پروكۋرور تۇرعىن ءۇي-جايدى بەرۋ ارقىلى زاڭسىز كوشى-قوندى ۇيىمداستىرعان پاتەر يەسىنىڭ كىناسىن دالەلدەدى"، - دەدى ۆەدومستۆو.
سوت ۇكىمىمەن "رەزەڭكە" پاتەردىڭ يەسى قىلمىستىق كودەكستىڭ 394-بابىنىڭ 1-تارماعى ("زاڭسىز كوشى-قوندى ۇيىمداستىرۋ") بويىنشا سوتتالدى. ۇكىم زاڭدى كۇشىنە ەندى.
پىكىر قالدىرۋ