FlyArystan قازاقستاندىق لوۋكوستەرى ءوزىنىڭ اۋە فلوتىن تولىقتىرۋ جۇمىستارىن جالعاستىرىپ جاتىر. اۋەكومپانيا سىيىمدىلىعى 188 جانە 180 ورىندى قۇرايتىن Airbus A320 NEO جانە Airbus A320 CEO ەكى اۋە لاينەرىن يەلەندى.
"جاڭا اۋە لاينەرلەرىنىڭ كەلۋى اۋەكومپانيانىڭ ىشكى جانە حالىقارالىق مارشرۋتتار جەلىسىن ودان ءارى كەڭەيتۋىنە ىقپال ەتە وتىرىپ، قازاقستان ىشىندە جانە شەت ەلدەرگە اۋە تاسىمالدارىن دامىتۋعا دەگەن ۇمتىلىسىمىزدى كورسەتەدى. وسى جازدا ءبىز بىشكەك، باكۋ جانە ىستامبۇل قالالارىنا حالىقارالىق رەيستەردى قايتا ىسكە قوسىپ، جيىلىگىن ارتتىردىق. سونداي-اق، قازاقستاننىڭ بارلىق وڭىرلەرىندەگى سۇرانىستى قاناعاتتاندىرۋ ءۇشىن ىشكى نارىقتا كەڭەيۋدى جالعاستىرۋدامىز. ىشكى اۋە قاتىناسى قارقىندىلىعىنىڭ ءوسۋى FlyArystan-نىڭ ءتۋريزمدى، بيزنەستى جانە الەۋمەتتىك ءومىردى دامىتۋعا سەرپىن بەرەتىن نەگىزگى قۇندىلىقتارىنىڭ ءبىرى بولىپ تابىلادى" - دەپ مالەمدەدى FlyArystan پرەزيدەنتىنىڭ مىندەتىن اتقارۋشى ريچارد لەدجەر.
ءداستۇر بويىنشا اۋە كومپانياسىنىڭ جاڭا ۇشاقتارىنىڭ اتاۋىن جولاۋشىلارى تاڭدادى. ولار "انتارەس" (Airbus A320 CEO) جانە "كاپەللا" (Airbus A320 NEO) جۇلدىزدارىنىڭ اتتارىن الدى.
پىكىر قالدىرۋ