"وسى شەشىمدى ىسكە اسىرۋ اياسىندا ۇق قاراجاتىن باسقارۋشى رەتىندە ۇلتتىق بانككە (قۇب) ۇلتتىق قوردان شامامەن 970 ميلليون اقش دوللارى سوماسىنا شەتەل ۆاليۋتاسىن تەڭگەگە ايىرباستاۋدى جۇزەگە اسىرادى"، – دەلىنگەن حابارلامادا.

وپەراسيانىڭ جوسپاردان تىس سيپاتىن ەسكەرە وتىرىپ، كورسەتىلگەن كولەمدى قىسقا ۋاقىت ارالىعىندا ساتۋ ۆاليۋتا نارىعىنىڭ تەڭگەرىمدىلىگىنە ەلەۋلى اسەر ەتۋى مۇمكىن.

"وسىعان بايلانىستى ۇلتتىق بانكتىڭ التىن-ۆاليۋتا رەزەرۆتەرىنە ۇق اكتيۆتەرىن تىكەلەي ساتۋ ارقىلى ۇلتتىق بانك ءبىرجولعى كونۆەرسيالىق وپەراسيا جۇرگىزۋگە نيەتتى"، – دەلىنگەن حابارلامادا.

سونىمەن قاتار نارىقتىق بەيتاراپتىلىقتى ساقتاۋ ماقساتىندا جانە وسى وپەراسيانى ۆاليۋتا نارىعىنا شىعارۋ اياسىندا ۇلتتىق بانك ۆاليۋتا نارىعىندا وسى كولەمدi بiركەلكi ساتۋدى جۇزەگە اسىرۋدى جوسپارلاپ وتىر. وسىلايشا، شىلدەدەن باستاپ ۇلتتىق بانك 4 اي ىشىندە 970 ميلليون اقش دوللارىن ساتۋعا كىرىسەدى، ايىنا 243 ميلليون اقش دوللارى كولەمىندە ايىرباستالادى.

بۇل – ۆاليۋتا نارىعىنا ءبىرجولعى كونۆەرسيالىق وپەراسيانىڭ اسەرىن بەيتاراپتاندىرۋدى قامتاماسىز ەتۋگە ارنالعان ەرەكشە شارا.