قىرعىزستاندا 14 شىلدە كۇنى سەل ءجۇرىپ، 4 ادام جوعالىپ كەتكەن بولاتىن. كەيىننەن وش وبلىسىندا سۋ الىپ كەتكەن 6 جاسار قىزدىڭ دەنەسى وزبەكستان اۋماعىنانا تابىلدى. بۇل تۋرالى قىرعىزستان توتەنشە جاعداي مينيسترلىگى حابارلادى.
"وش وبلىسىندا سەل اعىزىپ اكەتكەن 6 جاسار قىزدىڭ سۇيەگى وزبەكستاننىڭ ءاندىجان قالاسىنداعى شاحريحونسوي سۋارۋ كانالىنان تابىلدى. وزبەكستان 2017 جىلى تۋعان قىزدىڭ سۇيەگىن "دوستىق" شەكارا بەكەتى ارقىلى بەردى"، — دەلىنگەن حابارلامادا.
قىرعىزستان تجم مالىمەتىنشە جوعالعان ادامدار ءبىر وتباسىنىڭ مۇشەلەرى: 1980 جىلى تۋعان ايەل مەن ونىڭ 2005، 2014 جانە 2018 جىلعى ءۇش قىزى.
پىكىر قالدىرۋ