بۇعان دەيىن ىشكى ىستەر مينيسترلىگى ساۋساق ءىزىن ەرىكتى تۇردە تاپسىرۋعا مۇمكىندىك بەرگەن.

ىشكى ىستەر مينيسترلىگى ازاماتتاردىڭ بيومەتريالىق دەرەكتەرىن جيناۋ پروسەسىن رەتتەيتىن ساۋساق ىزدەرىن الۋ جانە گەنومدىق تىركەۋ ەرەجەسىن بەكىتتى.

قازاقستاندا ساۋساق ءىزىن تاپسىرۋ تومەندەگى جاعدايلاردا جۇزەگە اسىرىلادى:

- جەكە كۋالىك جانە ءتولقۇجاتتى العاش رەت الۋعا ءوتىنىش بىلدىرگەندە، سونداي-اق قۇجاتتاردى قالپىنا كەلتىرگەندە نەمەسە اۋىستىرعاندا؛

- 12 جاستان 16 جاسقا دەيىنگى بالالار پاسپورت الۋعا ءوتىنىش بەرگەن كەزدە اتا-اناسىنىڭ نەمەسە زاڭدى وكىلدەرىنىڭ كەلىسىمىمەن؛

- 16 جاسقا تولعان شەتەلدىكتەر مەن ازاماتتىعى جوق ادامدار ۋاقىتشا نەمەسە تۇراقتى تۇرۋعا ىقتيارحات، تۇرۋعا ىقتيارحات، بوسقىن كۋالىگى جانە باسقا دا قۇجاتتاردى رەسىمدەگەن كەزدە.

- 16 جاسقا تولعان قازاقستاننان شىعارىلعان نەمەسە رەادميسسيا تۋرالى حالىقارالىق شارتقا ساي كەلەتىن ادامدار.

گەنومدىق تىركەۋ انىقتاۋ، تەرگەۋ، سوت ساراپتاماسى ورگاندارىنىڭ جانە قىلمىستىق-اتقارۋ جۇيەسى مەكەمەلەرىنىڭ قۇزىرىنا جاتاتىن ادامدار اراسىندا جۇرگىزىلەدى.