بۇرىنعى مادەنيەت ءمينيسترى ارىستانبەك مۇحامەديۇلىنا تيەسىلى سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى مەملەكەتكە قايتارىلدى. ءبىلىم بەرۋ مەكەمەسىنىڭ قۇنى 1،2 ملرد تەڭگەنى قۇرايدى. بۇل تۋرالى الماتى قالاسىنىڭ پروكۋراتۋراسى مالىمدەدى.  

"17 شىلدە كۇنى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبىن ساتۋ جونىندەگى مامىلەنى جارامسىز دەپ تانۋ تۋرالى شەشىمى زاڭدى كۇشىنە ەندى. Cوتتا نىساننىڭ نارىقتىق قۇنىن 551 ملن تەڭگەگە تومەندەتىلگەنى انىقتالدى" - دەلىنگەن رەسمي حابارلامادا. 

7،6 مىڭ م2 قۇرايتىن اكىمشىلىك عيماراتتاردىڭ، سپورت زالدارى مەن باسقا دا قۇرىلىستاردىڭ، سونداي-اق 4،9 گا اۋماقتى الىپ جاتقان مەكتەپ مۇلكىنە مۇحامەديۇلىمەن اففيلييرلەنگەن تۇلعالارعا تيەسىلى Nomad's Land ج ش س يەلىك ەتكەن. 

ايتا كەتەيىك، بۇرىنعى مادەنيەت ءمينيسترى ارىستانبەك مۇحامەدي ۇلى بيۋدجەت اقشاسىن جىمقىرعانى ءۇشىن 8 جىلعا، كەيىننەن قوسىمشا 3 جىل قوسىلىپ، جالپى 11 جىلعا باس بوستاندىعىنان ايىرىلعان بولاتىن.