جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا 4،5 ملرد بيۋدجەت قارجىسىن جىمقىرعان تالدىقورعان قالاسى ءبىلىم ءبولىمىنىڭ جانە مەكتەپتەرىنىڭ 21 بۋحگالتەرىنە ۇكىم شىقتى. 

3 جىل بويى تالدىقورعان ءبىلىم ءبولىمىنىڭ باس بۋحگالتەرى قىلمىستىق توپ قۇرىپ، ءىس جۇزىندە جۇمىس ىستەمەيتىن قىزمەتكەرلەرگە جالاقى اۋدارۋ ارقىلى اقشا جىمقىرىپ وتىرعان. ۇرلانعان قارجىنى تۋىستارىنىڭ بانكتىك شوتتارىنا اۋدارىپ، ءوز ارالارىندا بولىسكە سالعان.

سوت ۇكىمىمەن قىلمىستىق ءىستىڭ باس فيگۋرانتتارى 12 جىلدان 15 جىلعا دەيىن باس بوستاندىعىنان ايىرىلدى. ال 15 سوتتالۋشى 7 جىلدان 11 جىلعا سوتتالسا، 2 سوتتالۋشى كەلتىرىلگەن زالالدى تولىق وتەۋىنە بايلانىستى شارتتى تۇردە 7 جىلعا باس بوستاندىعىنان ايىرىلدى.  

سونىمەن قاتار، سوتتالۋشىلاردىڭ 3 ملرد تەڭگەدەن استام قاراجاتى، زەرگەرلىك بۇيىمدارى، جىلجىمايتىن جانە جىلجىمالى مۇلكى تاركىلەندى.