پروتەزدەۋ جانە يمپلانت ورناتۋ بويىنشا قىمبات تۇراتىن ستوماتولوگيالىق قىزمەتتەرگە قاراجاتتى پايدالانۋدى 2024 جىلعى 10 تامىز بەن 2025 جىلعى 1 اقپان ارالىعىندا ۋاقىتشا توقتاتا تۇرۋ جوسپارلانىپ وتىر.

ءبىرجولعى زەينەتاقى تولەمدەرى جونىندەگى ۋاكىلەتتى وپەراتور "وتباسى بانك" اق اقپاراتى بويىنشا ءبىرىڭعاي جيناقتاۋشى زەينەتاقى قورىنان قاراجاتتى ستوماتولوگيالىق قىزمەتتەرگە پايدالانۋ كەزىندە نىسانالى ەمەس شىعارۋ جاعدايلارى تىركەلگەن.

بانكتىڭ مالىمەتىنشە، ول جۇرگىزگەن قىزمەتتىك تەكسەرۋلەردىڭ بارىسىندا جالعان قۇجاتتاردى پايدالانۋ جانە ناقتى مەديسينالىق قىزمەتتەردى كورسەتپەۋ فاكتىلەرى انىقتالدى.

"وسىعان بايلانىستى دەنساۋلىق ساقتاۋ مينيسترلىگى "ەمدەۋگە ءبىرجولعى زەينەتاقى تولەمدەرىن پايدالانۋ قاعيدالارىن بەكىتۋ تۋرالى" قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2021 جىلعى 15 اقپانداعى № ق ر دسم-18 بۇيرىعىنا وزگەرىستەر ەنگىزۋ تۋرالى" بۇيرىقتىڭ جوباسىن ازىرلەدى. وسى بۇيرىقپەن پروتەزدەۋ جانە تىستەردى يمپلانتاتتاۋ بويىنشا قىمبات تۇراتىن ستوماتولوگيالىق قىزمەتتەرگە قاراجاتتى پايدالانۋدى 2024 جىلعى 10 تامىزدان 2025 جىلعى 1 اقپانعا دەيىن التى اي مەرزىمگە ۋاقىتشا توقتاتا تۇرۋ كوزدەلەدى”، – دەلىنگەن حابارلامادا.

وسى ۋاقىتتا ءبىرجولعى زەينەتاقى تولەمدەرى جونىندەگى ۋاكىلەتتى وپەراتور بجت قاراجاتىن ماقساتسىز پايدالانۋعا جول بەرمەۋ جانە ستوماتولوگيالىق قىزمەتتەر كورسەتۋدىڭ اشىقتىعىن قامتاماسىز ەتۋ جونىندە ءتيىستى جۇمىس جۇرگىزۋگە نيەتتى.

بۇيرىقتىڭ جوباسى 2024 جىلعى 24 شىلدەدە تالقىلاۋ ءۇشىن اشىق نورماتيۆتىك قۇقىقتىق اكتىلەر پورتالىندا ورنالاستىرىلدى.