پورتالدىڭ مالىمەتىنشە، جاڭا كلۋب Almaty United دەپ اتالادى. فۋتبول كلۋبى 2025 جىلعى ماۋسىمدى QFL ەكىنشى ليگاسىنان باستايدى. جاڭا فۋتبول كلۋبىن اشۋداعى باستى ماقسات قايرات بورانبايەۆ باسقاراتىن "قايرات" فۋتبول كلۋبىنىڭ اكادەمياسىنان شىققان تۇلەكتەردى ويىن تاجىريبەسىمەن قامتاماسىز ەتۋ بولىپ وتىر.
جاڭا كلۋب ءوز الاڭىنداعى ماچتارىن "قايرات" اكادەمياسى نىساندارىنىڭ بىرىندە وتكىزەدى. ال كلۋبتىڭ باس ديرەكتورى قىزمەتىن "قايراتتىڭ" ەكس-ديرەكتورى، ءقازىر Player سareer Management فۋتبول اگەنتتىگىنىڭ باسشىسى بايمۇحانوۆ مارات بۇركىت ۇلى اتقارادى.
Kompra.kz دەرەگى بويىنشا بايمۇحانوۆقا Almaty United ج ش س تىركەلگەن. كومپانيا 2024 جىلدىڭ ءساۋىر ايىندا الماتىدا پايدا بولدى. قۇجات بويىنشا ءا.كەكىلباي ۇلى كوشەسى 30، مەكەنجايىندا "قايرات" فيليالدارىنىڭ ءبىرى جانە Almaty Football Academy فۋتبول اكادەمياسى ورنالاسقان.
ەسكە سالا كەتسەك، 2023 جىلدىڭ ناۋرىز ايىندا استانا سوتى قايرات بورانبايەۆتى كۆازيمەملەكەتتىك سەكتوردان اقشا جىمقىرعانى ءۇشىن سەگىز جىلعا باس بوستاندىعىنان ايىردى. كەيىنىرەك ەكىنشى ساتىداعى سوت ونىڭ مەرزىمىن ەكى جىلعا قىسقارتتى.
سول كەزدە الماتى اكىمى ەربولات دوسايەۆ بورانبايەۆتىڭ يەلىگىندەگى "قايرات" فۋتبول كلۋبى اكىمدىكتىڭ مەنشىگىنە بەرىلمەيتىنىن، كاسىپكەردىڭ جەكە مەنشىگىندە قالاتىنىن حابارلاندى
پىكىر قالدىرۋ