ستاتيستيكاسى دەپارتامەنتىنىڭ ۇلتتىق ساناق وتكىزۋ باسقارماسىنىڭ باسشىسى اسەل سارسەكوۆا بريفينگ بارىسىندا قازاقستاندا پيلوتتىق اۋىل شارۋاشىلىعى ساناعى وتكىزىلەتىنىن حابارلادى.

“نەگىزگى ساۋالنامانى اۋماقتىق بولىمشەلەردىڭ قىزمەتكەرلەرى جۇرگىزەتىن بولادى. ءبىز پيلوتتىق جوباعا سۇحبات الۋشىلاردى تارتپايمىز، ساۋالنامانى ءوز كۇشىمىزبەن جۇرگىزەمىز. ساۋالناما قالالىق جەرلەردە 13 كۇن ىشىندە، اۋىلدىق جەرلەردە 15 كۇن ىشىندە جۇرگىزىلەتىن بولادى"، - دەدى ول.

ساناق 2025 جىلدىڭ 1 تامىزىنان 20 قازانىنا دەيىن وتكىزىلەدى. 2025 جىلدىڭ 15 مامىرىنان ماۋسىم ايىنا دەيىن قالالىق جەرلەردە ساياجايلار مەن باقشا ۋچاسكەلەرى بويىنشا الدىن الا ارالاۋ جوسپارلانعان.

"1-31 تامىز ارالىعىندا ونلاين-ساناق بولادى: رەسپوندەنتتەر سايتتا ساناق پاراقتارىن ءوز بەتىنشە تولتىرا الادى. سودان كەيىن 20 كۇن ىشىندە دەرەكتەردى وڭدەۋ بويىنشا جۇمىس جۇرگىزىلەتىن بولادى"، - دەدى ول.

ودان ءارى - 20 قىركۇيەكتەن 20 قازانعا دەيىن - ءۇي شارۋاشىلىقتارىنان ساۋالناما الىنادى.