"موپەد ماسەلەسى ۋايىمعا اينالدى" دەگەن ماقالانى وقىپ شىقتىم. سوندا كورسەتىلگەندەي بيىلدىڭ وزىندە موپەدتەردىڭ قاتىسۋمەن بولعان اپاتتا 27 ادام قازا تاپتى. ماسقارا دەرەك. وسى ماسەلەنى قالاي شەشىپ جاتىرمىز؟ – دەپ سۇراق قويدى پرەمەر-مينيستر ولجاس بەكتەنوۆ.

ىشكى ىستەر ءمينيسترى ەرجان سادەنوۆ مۇنداي پروبلەما بارىن جاسىرمادى.

-كوبىنە موپەدتى باسقاراتىن جاسوسپىرىمدەر مەن كۋرەرلەر. قازىرگى تاڭدا زاڭنامالىق شارالاردى قابىلداپ جاتىرمىز. ءبىرىنشى - بۇكىل ماپودتەردى تىركەۋ جۇمىسىن جۇرگىزۋ. كەيىن مەملەكەتتىك ءنومىر بەرىلەدى. ياعني موپەد جۇرگىزۋ ءۇشىن كۋالىك كەرەك بولادى. ءقازىر زاڭ جوباسى سەناتتا قارالىپ جاتىر، – سادەنوۆ.

ۆەدومستوۆو باسشىسىنىڭ دەرەگىنشە، وسى ۋاقىتقا دەيىن 39 مىڭ جۇرگىزۋشى انىقتالىپ، جازاعا تارتىلعان.

-ونىڭ ىشىندە 202 ازامات كامەلەتكە تولماعاندار. ولاردىڭ اتا-انالارى جاۋاپكەرشىلىككە تارتىلدى. جول ەرەجەلەرىن ورەسكەل بۇزعان ءۇشىن ارنايى ورىنعا 5 مىڭنان استام موپەدتەر قامالدى، – دەدى ءىىم باسشىسى.