جامبىل وبلىسىنىڭ اكىمى ەربول قاراشوكەيەۆ ءحححىىى جازعى وليمپيادا ويىندارىنىڭ چەمپيونى ەلدوس سمەتوۆتىڭ شاڭىراعىنا بارىپ، اتا-اناسىن قۇتتىقتاپ، قۇرمەت كورسەتتى.
ق ر ەڭبەك سىڭىرگەن سپورت شەبەرى ەلدوس سمەتوۆ ءتورتجىلدىقتىڭ باستى دوداسىندا ەلىمىزگە العاشقى التىندى سىيلاپ، دزيۋدودان تۇڭعىش وليمپيادا چەمپيونى اتاندى.
– ەلدوس – ەل سەنىمىن اقتاپ، بارشا قازاقستاندىقتاردىڭ، جانكۇيەرلەرىنىڭ مەرەيىن اسىردى. اۋليەاتا جۇرتىنىڭ ابىرويىن اسقاقتاتتى. داڭقتى سپورتشى، ماسكەۋ وليمپياداسىنىڭ جەڭىمپازى جاقسىلىق ۇشكەمپىروۆ اعامىزدىڭ اڭساعان ارمانىن ورىنداپ، جەڭىسىن 44 جىلدان كەيىن قايتالادى.
«الىپ انادان تۋادى» دەگەن قازاقتا اتالى ءسوز بار. ەلدوستىڭ ەلدىڭ بالاسى اتانىپ، بايراقتى باسەكەلەردە توپ جارۋىنا اتا-اناسىنىڭ سىڭىرگەن ەڭبەگى، تالىم-تاربيەسى، جانۇياسىنىڭ قولداۋى زور، – دەدى وبلىس اكىمى.
ەربول قاراشوكەيەۆ چەمپيون ۇلدى تاربيەلەپ، قولداۋ كورسەتكەن جاقىندارىنا العىس ءبىلدىرىپ، ريزاشىلىعىن جەتكىزدى.
ەلدوس سمەتوۆتىڭ اتا-اناسى باقتىباي جانە توقتاگۇل سمەتوۆتەرگە «وبلىسقا سىڭىرگەن ەڭبەگى ءۇشىن» بەلگىسىن، جارىنا قۇرمەت گراموتاسىن تابىستادى.
ءوز كەزەگىندە سپورتشىنىڭ اتا-اناسى مەملەكەت جانە وبلىس باسشىلىعىنا، بارشا جاناشىر جانكۇيەرلەرگە دەگەن ريزاشىلىقتارىن جەتكىزدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ