كولىك مينيسترلىگىنىڭ مالىمەتىنشە، قابىلداۋعا كەلگەن ازاماتتار اۋەجايلار مەن تەمىرجول ۆوكزالدارىندا ەرەكشە قاجەتتىلىگى بار جاندارعا قىزمەت كورسەتۋگە، سونداي-اق كۇرە جولداردا اتقارىلىپ جاتقان جوندەۋ جۇمىستارىنا قاتىستى ماسەلەنى كوتەرگەن.

ماسەلەن، اتىراۋ قالاسىنىڭ تۇرعىنى ەلىمىزدەگى تەمىرجول ۆوكزالدارىندا ەرەكشە قاجەتتىلىگى بار جاندارعا قىزمەت كورسەتەتىن ارنايى كاسسالاردىڭ بولماۋى ماسەلەسىن كوتەرىپ، شاعىمداندى. جالپى بۇگىن ەل اۋماعىندا 300-دەن استام تەمىرجول ۆوكزالى جۇمىس ىستەيدى. ولاردىڭ بىرنەشەۋى عانا ارنايى كاسسالارمەن جابدىقتالعان. كولىك مينيسترلىگى تەمىرجول جانە سۋ كولىگى كوميتەتىنىڭ قىزمەتكەرلەرىنە بارلىق ۆوكزالداردى تەكسەرىپ شىعۋ جانە تەمىرجول ۆوكزالدارىندا ەرەكشە قاجەتتىلىگى بار جاندارعا قىزمەت كورسەتەتىن ارنايى كاسسالاردى ورناتۋ ماسەلەسىن قولعا الۋدى تاپسىردى. ءبىرىنشى كەزەڭدە ماماندار ءىرى تەمىرجول ۆوكزالدارىن، سودان كەيىن شاعىن ستانسيالاردى تەكسەرىپ شىعادى. ۆوكزالداردى تەكسەرۋ جۇمىستارى باستالدى. سونىمەن قاتار مارات قارابايەۆ جولاۋشىلاردىڭ شاعىمدارىنان كەيىن اقتاۋ، استانا جانە اقتوبە قالالارىنىڭ اۋەجايلارىن رەتكە كەلتىرۋدى تاپسىردى. "ءبىرىنشى كەزەكتە بۇل اۋەجايلاردا تازالىق پەن ءتارتىپ ورناتۋ قاجەت. اۋەجايلاردىڭ باسشىلىعىنا ەسكەرتۋ"، - دەدى مارات قارابايەۆ.