ۇكىمەت حابارلاماسىندا ەلىمىزدە ازاماتتاردىڭ جەكەلەگەن ساناتتارىن دارى-دارمەكپەن قامتاماسىز ەتۋ، مەكتەپتەردە تەگىن جانە جەڭىلدىكپەن تاماقتاندىرۋ 2023 جىلدىڭ سوڭىنان بەرى پيلوتتىق رەجيمدە ىسكە اسىرىلىپ جاتقانى جازىلعان.
سونىمەن قاتار دارى-دارمەكپەن قامتاماسىز ەتۋ بويىنشا 43 ۇيىم قوسىلىپ، 30 مىڭ رەسەپت ىسكە اسىرىلعان. مەكتەپتەردە تەگىن جانە جەڭىلدىكپەن تاماقتاندىرۋعا 93 ۇيىمعا 27 مىڭ تۇسكى اس تاراتىلدى. "الەۋمەتتىك ءامياندى" ازىرلەۋشىلەر اتالعان پيلوتتىق جوبانىڭ ءساتتى تاجىريبەسىن تاراتۋعا نيەتتى.
"الەۋمەتتىك ءاميان" ازاماتتاردىڭ EGOV قوسىمشاسىندا مەملەكەت تاراپىنان كورسەتىلەتىن بارلىق قولداۋ قۇرالدارى مەن شارالارىن جيناقتاۋ ارقىلى ازاماتتارعا مەملەكەتتىك قولداۋ شارالارىن الۋدى جەڭىلدەتۋ ءۇشىن جاسالعان. اتالعان جوبا ارقىلى مەملەكەتتىك كومەك الۋ جانە ونىڭ جۇرگىزىلۋ تاريحىن قاداعالاۋ ىڭعايلى. ۆاۋچەرلەر جەكەلەندىرىلگەن تۇردە جازىلادى، بۇل كەز كەلگەن زاڭسىز تىركەۋلەردىڭ مۇمكىندىگىن شەكتەيدى. جىل سوڭىنا دەيىن اتالعان ءونىم ەلىمىزدىڭ بارلىق ازاماتتارىنا ىستىق تاماق پەن دارى-دارمەك بويىنشا قولجەتىمدى بولادى دەپ جوسپارلانىپ وتىر"، — دەدى BTS Digital ج ش س باس ديرەكتورى نۇرتاي ابىلعالييەۆ.
جوبا شەڭبەرىندە سونىمەن قاتار بىرنەشە شارا بويىنشا پيلوتتىق جوبانى ىسكە قوسۋ قوسىمشا پىسىقتالىپ جاتىر. ولارعا:
- اقشالاي قاراجاتتى مونەتيزاسيالاۋ؛
- ەرەكشە قاجەتى بار ادامدارعا تەحنيكالىق وڭالتۋ قۇرالدارىن ساتىپ الۋ؛
- حالىقتىڭ الەۋمەتتىك وسال توپتارىنا ءامات تىزبەسىنەن ازىق-تۇلىك ساتىپ الۋدا اتاۋلى كومەك كورسەتۋ؛
- الەۋمەتتىك وسال ساناتتاعى تۇتىنۋشىلار ءۇشىن تاۋارلى گازعا ۆاۋچەرلەر مەن ججم باعاسىنىڭ ءوسۋىن وتەۋ ءۇشىن ۆاۋچەرلەر ۇسىنۋ جاتادى.
پىكىر قالدىرۋ