باس پروكۋرور ح الەۋمەتتىك جەلىسىندەگى پاراقشاسىندا سوت تورەلىگىنەن جاسىرىنعان ادامداردى ىزدەستىرۋ كۇشەيتىلەتىنىن جەتكىزدى. ايتۋىنشا پروكۋرورلار ادامدار كوپ جينالاتىن جەرلەردە بەينەباقىلاۋ كامەرالارىن باقىلاۋ ارقىلى 53 قاشقىندى تانىپ، ۇستاۋ شارالارىن قابىلدادى.

بەرىك اسىلوۆ ەندى بۇل جۇمىسقا جاساندى ينتەللەكت تە قوسىلاتىنىن جەتكىزدى. 

"بيىل تامىز ايىنان باستاپ الماتى مەن اتىراۋ قالالارىنداعى بەينەباقىلاۋ كامەرالارىنا ءبىز قاشقىن قىلمىسكەرلەردى، بورىشكەرلەردى جانە حابار-وشارسىز كەتكەندەردى اۆتوماتتى تۇردە تانۋ بويىنشا AI ەلەمەنتتەرىمەن IT-ازىرلەمەنى قوستىق. ەكى كۇن ىشىندە تەرگەۋدەن جاسىرىنعان 2 ادام جانە حابار-وشارسىز كەتكەن 2 ادام تانىلدى"، – دەدى بەرىك اسىلوۆ.

ول AI كومەگىمەن كامەرالار ارقىلى ءتىپتى سىرتقى كەلبەتى قاتتى وزگەرگەن ادامداردى دا تانۋعا بولاتىنىن اتاپ ءوتتى. ەندى بارلىق وڭىرلەردە تۇلعانى تانۋ جۇيەسىن ەنگىزۋ تاپسىرىلدى.

باس قاداعالاۋ ورگانىنىڭ مالىمەتىنشە، ءقازىر 9 مىڭنان استام ادام ىزدەۋدە، ونىڭ ىشىندە 2،2 مىڭى قىلمىسكەر جانە 2 مىڭى جوعالعاندار.