پرەمەر-مينيستر ولجاس بەكتەنوۆ الماتىعا جۇمىس ساپارى اياسىندا يندۋستريالىق ايماق اۋماعىنداعى ءبىرقاتار كاسىپورىندارعا بارىپ، ولاردىڭ مىسالىندا ينۆەستيسيالاردى تارتۋ جانە ءوندىرىستى وقشاۋلاۋ قارقىنىمەن تانىستى. مۇندا جاسالعان جاعدايلار بيزنەستىڭ جۇمىسىن جەڭىلدەتۋگە باعىتتالعان.

"يرريگاتور قازاقستان" زاۋىتىندا ۇكىمەت باسشىسى ونىمدىلىك پەن سۋدى ۇنەمدەۋدى ارتتىرۋ ماقساتىندا اۋىل شارۋاشىلىعى داقىلدارىن تامشىلاتىپ سۋارۋعا ارنالعان يزرايل تەحنولوگياسى بويىنشا قۇبىرلار ءوندىرىسىن قاراپ شىقتى. اعىمداعى جىلدىڭ قاڭتار ايىندا ىسكە قوسىلعان كاسىپورىن باۋ-باقشا، جيدەك، كوكونىس جانە ءداندى داقىلدار ءۇشىن جىلىنا 270 ملن مەتر ءونىم شىعارۋعا قابىلەتتى. كومپانيا ديرەكتورى مۇرات اقشالوۆ جوباعا يزرايلدىك metzerplas كومپانياسىنان 770 ملن تەڭگەدەن استام شەتەلدىك ينۆەستيسيا تارتىلعانىن، بۇل جوبانىڭ جالپى سوماسىنىڭ ۇشتەن ءبىرىن قۇرايتىنىن ايتتى.

ولجاس بەكتەنوۆ جوبانىڭ سۋ ۇنەمدەۋگە باعىتتالعاندىعىن ەسكەرە وتىرىپ، ونىڭ ماڭىزدىلىعىن اتاپ ءوتىپ، مەملەكەتتىك ورگاندارعا كاسىپورىندى تولىق قۋاتقا جۇكتەۋ ماسەلەسىن پىسىقتاۋدى، سونداي-اق وتكىزۋدى جولعا قويۋ ءۇشىن اۋىل شارۋاشىلىعى كاسىپورىندارىمەن ءوزارا ءىس-قيمىلعا جاردەم كورسەتۋدى تاپسىردى. ايتا كەتەيىك، بۇگىندە قازاقستاندا تامشىلاتىپ سۋارۋ نارىعى 70 مىڭ گا قۇرايدى.

ولجاس بەكتەنوۆ Hyundai Trans Kazakhstan كاسىپورنىنا بارعان كەزدە وقشاۋلاۋدى تەرەڭدەتۋ جانە ءوندىرىستىڭ نەعۇرلىم كۇردەلى تەحنولوگيالىق پروسەستەرىنە كوشۋ جوسپارلارىمەن تانىستى. پرەمەر-مينيسترگە الاڭدى 40 مىڭ شارشى مەترگە دەيىن جانە جۇمىس ورىندارىنىڭ سانىن 1700-گە دەيىن ۇلعايتا وتىرىپ، زاۋىتتى كەڭەيتۋ جانە جاڭعىرتۋ تۋرالى باياندالدى. قۇنى 16،4 ملرد تەڭگە بولاتىن كەڭەيتۋ جوباسى تولىعىمەن ينۆەستور ەسەبىنەن ىسكە اسىرىلدى. سونىمەن قاتار، كاسىپورىن دانەكەرلەۋ، بوياۋ جانە قۇراستىرۋ سەحتارىن جاڭعىرتۋعا، شاعىن توراپتى ءوندىرىستىڭ قۋاتىن ۇلعايتۋ جانە جاڭا مودەلدەردى دانەكەرلەۋ جانە بوياۋمەن ءوندىرىستىڭ تولىق سيكلىنە كوشۋ ماقساتىندا ينۆەستيسيالايدى.

Astana Motors نەگىزىن قالاۋشى نۇرلان سماعۇلوۆ سونداي-اق وندىرىستىك كلاستەردى دامىتۋ جوسپارلارى تۋرالى حابارلادى، وعان قولدانىستاعى Hyundai Trans Kazakhstan زاۋىتىنان باسقا جىلىنا 90 مىڭ جەڭىل اۆتوكولىك قۋاتى بار سالىنىپ جاتقان مۋلتيبرەند زاۋىتى (ىسكە قوسۋ 2025 جىلعا جوسپارلانىپ وتىر)، اۆتوكومپونەنتتەر شىعاراتىن ءۇش زاۋىت جانە لوگيستيكالىق حاب كىرەدى. جۇمىس ورىندارىنىڭ جالپى سانى 6 مىڭ ادامنان اسادى.

پرەمەر-مينيستر ۇكىمەت وتاندىق اۆتوونەركاسىپتى قولداۋ جونىندەگى شارالاردى جالعاستىراتىنىن اتاپ ءوتتى. ءوز كەزەگىندە بيزنەس ۇنەمى دامىپ، لوكاليزاسيانى ارتتىرۋى كەرەك.

كەلەسى نىساندا پرەمەر-مينيسترگە اۋدانى 100 مىڭ شارشى مەتردەن اساتىن Wildberries جاڭا لوگيستيكالىق تاراتۋ ورتالىعىنىڭ قۇرىلىسى باستالعانى تۋرالى باياندالدى. اعىمداعى كەزەڭدە جوباعا 12،9 ملرد تەڭگە ينۆەستيسيالاندى. قۇرىلىس جۇمىستارىن اياقتاۋ 2025 جىلدىڭ 2 توقسانىنا جوسپارلانعان. 4 مىڭ جۇمىس ورنىن قۇرۋ جوسپارلانۋدا. الماتىدا لوگيستيكالىق تاراتۋ ورتالىعىن ىسكە قوسۋ كاسىپكەرلەردىڭ لوگيستيكاعا شىعىندارىن قىسقارتۋعا، اسسورتيمەنتىن كەڭەيتۋگە جانە ساتۋدى ۇلعايتۋعا مۇمكىندىك بەرەدى.

جۇمىس ساپارى بارىسىندا ۇكىمەت باسشىسى سونداي-اق شاعىن كاسىپكەرلىك سۋبەكتىلەرىن قولداۋ ءۇشىن ارنايى جۇمىس ىستەيتىن الماتى قالاسىنىڭ شاعىن ونەركاسىپ پاركتەرى باعدارلاماسىنىڭ ىسكە اسىرىلۋىمەن تانىستى. ولجاس بەكتەنوۆ ALAESTATE جشس-دە بولدى. كوممۋنيكاسيالاردىڭ بارلىق تۇرلەرىمەن قامتاماسىز ەتىلگەن بۇل وندىرىستىك ءۇي-جايلار كەيىننەن ساتىپ الۋ مۇمكىندىگىمەن جەڭىلدىكتى شارتتارمەن جالعا بەرىلەدى.

مىسالى، qulpynai كونديتەرلىك كومپانياسى 2016 جىلى 150 ش.م. باستاپقى جالداۋ الاڭىنان باستاپ، بۇگىن جالپى اۋدانى 2 880 ش. م. بولاتىن 3ء-شى سەحتى ىسكە قوستى. جەڭىلدەتىلگەن جالداۋ مولشەرلەمەسى كومپانياعا 500-دەن استام ادام جۇمىس ىستەيتىن 3 سەح پەن 17 دۇكەنگە دەيىن وسۋگە مۇمكىندىك بەردى. بارلىق سەحتاردىڭ وندىرىستىك قۋاتى جىلىنا 900 توننادان استام دايىن ءونىمدى قۇرايدى.

الماتىدا بارلىعى 11 شاعىن ونەركاسىپ پاركى جۇمىس ىستەيدى، وندا 76 تۇرعىن جۇمىس ىستەيدى. 3،6 ملرد تەڭگە جەكە ينۆەستيسيا سالىندى، 914 جۇمىس ورنى قۇرىلدى. 2026 جىلعا دەيىن قوسىمشا 26 جوبا ىسكە اسىرىلاتىن بولادى. بۇگىنگى تاڭدا 250-دەن استام شوب سۋبەكتىلەرى ونەركاسىپتىك پاركتەردىڭ رەزيدەنتى بولۋعا نيەت ءبىلدىردى.

ۇكىمەت باسشىسى ەكونوميكانىڭ باسىم سەكتورلارىندا جوبالاردى ىسكە اسىراتىن بيزنەستى قولداۋ بويىنشا اكىمدىكتىڭ اتاۋلى جۇمىسىنىڭ ماڭىزدىلىعىن اتاپ ءوتتى.

"پرەزيدەنت ءوز جولداۋىندا ۇكىمەتكە شاعىن كاسىپكەرلىك سۋبەكتىلەرىن ىرىلەندىرۋدى ىنتالاندىرۋدى تاپسىردى. الماتى مەن جالپى ەل ەكونوميكاسى ءۇشىن بيزنەستى قولداۋ جانە ىسكەرلىك بەلسەندىلىكتى ىنتالاندىرۋ قۇرالدارىن جەتىلدىرۋ ماڭىزدى. ونەركاسىپتىك ايماقتار، اسىرەسە شاعىن ونەركاسىپتىك پاركتەر ءتيىمدى مەحانيزمگە اينالدى. مۇندا ءوندىرىستى ورىستەتە وتىرىپ، كاسىپكەرلەر ۇنەمدەلگەن قاراجاتتى اينالىمعا جىبەرە الادى. جۇمىستى جالعاستىرىپ، تاجىريبەنى باسقا وڭىرلەرگە كەڭەيتۋ قاجەت"، - دەپ اتاپ ءوتتى ولجاس بەكتەنوۆ.