الماتى وبلىسىندا جاڭا تۋعان نارەستەلەردى بالالاردان باس تارتۋ پۋنكتتەرىندە قالدىرعان بىرنەشە جاعداي تىركەلدى. بالالارعا ارنالعان قوراپتار "ءۇمىت بەسىگى" دەپ اتالادى جانە بىرنەشە بالانىڭ ءومىرىن ساقتاپ قالدى. بۇل تۋرالى الماتى وبلىسىنىڭ دەنساۋلىق ساقتاۋ باسقارماسى حابارلادى. 

"ءۇمىت بەسىگىن" سالۋداعى باستى ماقسات بالا قۇقىعىن قورعاۋ. 

جۋىردا الماتىدا 14 شىلدەدە قوقىستى سۇرىپتاۋ كەزىندە جاڭا تۋعان نارەستەنىڭ دەنەسى تابىلعانى تۋرالى جاڭالىق تاراپ، قوعامدى ءدۇر سىلكىندىردى. بالانىڭ دەنەسى پاكەتكە ورالعان. پوليسيا نەمقۇرايلى انانى ىزدەپ، بولعان وقيعانىڭ ءمان-جايىن انىقتايتىنىن حابارلادى.  الماتى وبلىسى قوعامدىق دەنساۋلىق ساقتاۋ باسقارماسىنىڭ انا مەن بالا دەنساۋلىعىن ساقتاۋ ءبولىمى باسشىسىنىڭ م.ا. جادىرا احمەتوۆا شاقالاقتى امان الىپ قالۋعا مۇمكىندىك بواعانىن اتاپ ءقتتى.  دەگەنمەن قازاقستاندا بالالارىن قوقىس جاشىكتەرىنە، دارەتحانالارعا نەمەسە ارىقتارعا اياۋسىز تاستايتىندار ءالى دە كۇردەلى ماسەلە تۋدىرىپ وتىر.

"بۇل قايعىلى جاعدايدىڭ الدىن الۋعا بولاتىن ەدى. ەلدە انا مەن بالانى قورعاۋ ءۇشىن بارلىق جاعداي جاسالعان. مۇمكىن، اناسى جاس جانە اقپاراتى از بولعان نەمەسە قۇجاتتاردى راسىمدەۋدە قيىندىقتارعا تاپ بولعان شىعار. شاقالاقتى قوقىسقا تاستاعان انانىڭ قانداي جاعدايدا بولعانى بەلگىسىز.  الايدا ونىڭ ارەكەتىن ەشتەڭە اقتاي المايدى. كىشكەنتاي نارەستەنى بالالار ۇيىنە بەرۋ ارقىلى قۇتقارۋعا بولادى، ال ەگەر انونيمدىلىك ماڭىزدى بولسا، ونى اۋرۋحانانىڭ نەمەسە پوليسيانىڭ جانىندا قالدىرۋعا بولادى. مۇنداي قادام زاڭمەن جازالانبايدى، مۇمكىن ول قاجەتتى كومەك الار ەدى"، – دەپ اتاپ ءوتتى جادىرا احمەتوۆا.

ول سونداي-اق 2021 جىلدان باستاپ الماتى وبلىسىندا نارەستە-بوكس جۇيەسى بويىنشا جاڭا تۋعان نارەستەلەردى قابىلداۋدىڭ  ءانونيمدى پۋنكتى جۇمىس ىستەيتىنىن ەسكە سالادى. وسى ۋاقىتقا دەيىن بوكسقا ەكى بالا قالدىرىلعان. وسىعان قاراماستان، دەنساۋلىق ساقتاۋ مينيسترلىگىنىڭ ماماندارى سابيلەردى قۇتقارۋدىڭ بۇل ءادىسى تۋرالى الاڭداۋشىلىق بىلدىرەدى، ويتكەنى بۇل قالدىرىلعان نارەستەلەردىڭ كۇرت وسۋىنە اكەلۋى مۇمكىن.

الەمدىك تاجىريبە كورسەتكەندەي، بالالار قوراپتارى پايدا بولعاننان كەيىن بالادان باس تارتۋشىلار سانى ەداۋىر وسكەنى بايقالادى. مۇنداي جۇيەنى ەنگىزۋ بۇۇ-نىڭ بالا قۇقىقتارى تۋرالى كونۆەنسياسىن بۇزادى جانە "نەكە جانە وتباسى تۋرالى" ق ر كودەكسىنىڭ 60-بابىنا قايشى كەلەدى، وعان سايكەس ءاربىر بالا وتباسىندا ءومىر سۇرۋگە جانە تاربيەلەنۋگە، سونداي-اق ءوز اتا-اناسىن بىلۋگە قۇقىعى بار.

ەسكە سالا كەتەيىك، " ءۇمىت بەسىگى " العاشقى بالالار بوكسى الماتى وبلىسىندا ەڭبەكشىقازاق اۋدانارالىق كوپسالالى اۋرۋحاناسىندا 2020 جىلدىڭ 21 قاڭتارىندا اشىلعان بولاتىن.

ەڭبەكشىقازاق اۋدانىندا "ءۇمىت بەسىگىن" اشۋ تۋرالى شەشىم قابىلداۋعا اۋدانىمىزدىڭ اۋىلدارىنىڭ بىرىنەن قىس مەزگىلىندە دۇكەننىڭ ەسىك تۇتقاسىندا قاپشىقتا قالدىرىلعان ءسابي سەبەپ بولعان ەدى. باعىمىزعا وراي نارەستە دەر كەزىندە انىقتالىپ، وعان مەديسينالىق كومەك كورسەتىلگەن ەدى.