سىبايلاس جەمقورلىققا قارسى قىزمەت 2023 جىلدان بەرى ىزدەۋدە جۇرگەن قايرات قۇدايبەرگەننىڭ ءىنىسى دارحان ومىرالييەۆ ۇستادى. بۇل تۋرالى Ulysmedia.kz حابارلادى.
"ول بۇرىن سوت ۇكىمىمەن ۆيكتور حراپۋنوۆتان تاركىلەنگەن ءۇش ءۇي مەن ەكى پاتەر تۇرىندەگى مەملەكەتتىك مۇلىكتى ۇرلادى دەگەن كۇدىككە ىلىنگەن. الاياقتىق الماتى قالاسى بويىنشا ۇقك اكىمدىگى مەن دەپارتامەنتىنىڭ لاۋازىمدى ادامدارىنىڭ قاتىسۋىمەن باقىلاۋداعى ادامدارعا كورىنەۋ تومەن باعامەن جانە بەلگىلەنگەن ساۋدا-ساتتىقسىز جىلجىمايتىن مۇلىكتى وتكىزۋ جولىمەن جاسالعان"، - دەپ حابارلادى انتيكور.
ومىرالييەۆ 14 ماۋسىمدا قىرعىزستان استاناسى بىشكەكتە ۇستالعان. ول قازاقستانعا ءوز ەركىمەن ورالۋعا دايىن بولعان. ءقازىر تەرگەۋ امالدارى جۇرگىزىلىپ جاتىر.
ايتا كەتەيىك، 7 تامىز كۇنى الماتىنىڭ مامانداندىرىلعان اۋدانارالىق تەرگەۋ سوتىندا دارحان ومىرالييەۆتىڭ ءىسى بويىنشا سوت وتىرىسى وتكەن بولاتىن. سوت پروسەسسىنە جۋرناليستەر كىرگىزىلمەدى.
پىكىر قالدىرۋ