ەلوردادا TikTok جەلىسىندە قۇمار ويىن ۇيىمداستىرعان ەكى تۇرعىن سوتتالدى. بۇل تۋرالى استانا پروكۋراتۋراسى حابارلادى.
ولار الدىن الا ءسوز بايلاسۋ ارقىلى TikTok الەۋمەتتىك جەلىسىندە "زاريك" اتتى قۇمار ويىنىن ۇيىمداستارىپ، 34 ملن تەڭگە تابىس تاپقان.
ويىن شارتىنا سايكەس، تىكەلەي ەفيرگە قوسىلعان ازاماتتار 500-دەن 4000 تەڭگەگە دەيىنگى مولشەردەگى بەلگىلەنگەن سومانى ۇيىمداستىرۋشىنىڭ ەسەپشوتىنا ەسىمىن جانە ۇتىس الۋ ءۇشىن جەكە تەلەفون ءنومىرىن كورسەتە وتىرىپ جولدايدى. ءبىر ويىن تەك ەكى قارسىلاستىڭ اراسىندا وتەدى.
جەڭىمپاز 3 ويىن تەكشەسىن اينالدىرۋ ارقىلى انىقتالعان.
سوت ۇكىمىمەن 2 قالا تۇرعىنى قازاقستان رەسپۋبليكاسىنىڭ ويىن بيزنەسى تۋرالى زاڭناماسىندا بەلگىلەنگەن ورىنداردان تىس جەرلەردە قۇمار ويىنداردى ۇيىمداستىرعانى جانە وتكىزگەنى ءۇشىن 4 جىلعا باس بوستاندىعىنان ايىرىلدى.
پىكىر قالدىرۋ