جەر سىلكىنىسى 10 شاقىرىم تەرەڭدىكتە بولدى، - دەپ حابارلادى زەرتتەۋ ورتالىعى. بۇعان دەيىن ماگنيتۋداسى 5،46 دەپ حابارلانعان، ءبىراق بىرنەشە مينۋتتان كەيىن ول تومەندەتىلدى، دەپ حابارلايدى Reuters.

سيريا ۇلتتىق سەيسمولوگيالىق ورتالىعى سوڭعى جەر سىلكىنىسىنىڭ وشاعى حاما قالاسىنان شىعىسقا قاراي 23 شاقىرىم جەردە بولعانىن حابارلادى. باقىلاۋ ستانسيالارى 13 جەراستى ءدۇمپۋىن تىركەدى.

سيريا اراب اقپارات اگەنتتىگىنىڭ (SANA) حابارلاۋىنشا، حامادا نەمەسە زارداپ شەككەن باسقا پروۆينسيالاردا بولعان ەكى جەر سىلكىنىسىنەن ايتارلىقتاي شىعىن كەلتىرىلمەگەن نەمەسە جاراقات العاندار جوق.

سيريالاعى حاما قالاسىنىڭ دەنساۋلىق ساقتاۋ قىزمەتىنىڭ ديرەكتورى ماحەر ءيۋنيستىڭ ايتۋىنشا، جەر سىلكىنىسىنەن كەيىن كەم دەگەندە 25 ادام جەڭىل نەمەسە ورتاشا دەڭگەيدە جاراقات العان. حاما قالاسىنان شىعىسقا قاراي 30 شاقىرىمداي جەردە ورنالاسقان سالاميا قالاسىندا تۇرعىندار جاپپاي كوشەگە شىقتى.

سونداي-اق ءيزرايلدىڭ سولتۇستىك جانە ورتالىق ايماقتارىندا ماگنيتۋداسى 4 بالعا دەيىنگى دۇمپۋلەر قاتارى تىركەلدى. جەراستى دۇمپۋلەرى تەل-اۆيۆ، رەحوۆوت، ريشون-لەزيون، حايفا جانە باسقا ەلدى مەكەندەردە سەزىلدى.

ءيزرايلدىڭ گەوفيزيكا ينستيتۋتى جەر سىلكىنىسىنىڭ ەپيسەنترى سيريا استاناسى داماسك ماڭىندا بولعانىن حابارلادى.