لاس سۋدىڭ اعۋى تۋرالى اقپاراتتى NHK تەلەارناسى Tokyo Electric Power (TEPCO) ستانسياسىنىڭ وپەراتورىنا سىلتەمە جاساپ حابارلادى. ول ەكىنشى رەاكتوردا پايدالانىلعان يادرولىق وتىندى سالقىنداتۋ كەزىندە باسسەيندەگى سۋ مولشەرىن ەسەپتەۋ ءۇشىن پايدالانىلاتىن رەزەرۆۋارداعى سۋ دەڭگەيى تومەندەگەندە انىقتالدى. باسسەيندەگى سۋ دەڭگەيى قالىپتى.
رەاكتور عيماراتىن تەكسەرۋ كەزىندە كارىز جۇيەسى ارقىلى جەرتولەگە 25 تونناعا جۋىق سۋ اققانى انىقتالدى. الايدا سىرتقا اقپاعان.
وتىندى سالقىنداتۋ ءۇشىن باسسەينگە سۋ ايداۋ توقتاتىلدى، الايدا، كومپانيا بۇل وتىننىڭ ماكسيمالدى تەمپەراتۋراسى 65 گرادۋس سەلسييدەن اسپايتىنىن مالىمدەدى. كەيىن تولىق تەكسەرۋ ءۇشىن ەكىنشى ەنەرگوبلوكتىڭ عيماراتىنا روبوت ەنگىزىلەدى.
فۋكۋسيما-1 اتوم ەلەكتر ستانساسىندا 2011 جىلعى قۋاتتى سۋناميدەن كەيىن اپات بولىپ، ونىڭ ەلەكترمەن جابدىقتاۋ جانە سالقىنداتۋ جۇيەلەرىن ىستەن شىعارعان بولاتىن. سونىڭ سالدارىنان قورعانىس قاباتتارى ارقىلى جانىپ كەتكەن ءۇش ەنەرگوبلوكتىڭ رەاكتورلارىندا يادرولىق وتىن بالقىپ كەتتى. بۇل ءتورتىنشى ەنەرگوبلوكتى زاقىمداعان سۋتەگى جارىلىستارىمەن قاتار ءجۇردى. سونىمەن بىرگە ستانسياعا ىرگەلەس اۋماقتاردىڭ لاستانۋىنا اكەلگەن ۇلكەن كولەمدەگى راديواكتيۆتى زاتتار شىعارىلدى.
اتوم ەلەكتر ستانساسىن قايتا جوندەۋ جۇمىستارى 2050 جىلعا دەيىن اياقتالادى دەپ جوسپارلانعان.
پىكىر قالدىرۋ