اتا-انالار سارا نازاربايەۆا نەگىزىن قالاعان "بوبەك" ورتالىعىن قايتا قۇرۋ باستاماسىنا قارسى شىعىپ، پەتيسيا جاريالادى.
"بۇل ورتالىققا ءتۇسۋ وڭاي ەمەس، كوپتەگەن اتا-انا بالالارىنا ءدال وسى جەردە وقۋعا جانە دامۋعا مۇمكىندىك بەرۋگە تىرىسادى. ال ورتالىقتى قايتا قۇرۋ بالالارىمىزعا جاسالاتىن جاعدايلاردىڭ ناشارلاۋىنا اكەپ سوعادى جانە قالىپتاسقان بالانستى بۇزادى دەپ ويلايمىز. ءبىز وقۋ-اعارتۋ مينيسترلىگىنەن "بوبەك" ورتالىعىن قايتا قۇرۋعا قاتىستى جوسپارىن قايتا قاراۋدى سۇرايمىز. ونىڭ باسقارۋ فورماسىن وزگەرتكەنشە، ونى دامىتۋ مەن قولداۋعا ينۆەستيسيا قۇيسا ءجون بولار ەدى. ءبىز ورتالىقتىڭ قازىرگى كۇيىندە ساقتالعانىن قالايمىز جانە بالالارىمىزدىڭ بولاشاعى ءۇشىن ونىڭ مۇددەسىن قورعاۋعا ءازىرمىز" – دەلىنگەن پەتيسيا ماتىنىندە.
ايتا كەتەيىك، بۇعان دەيىن وقۋ-اعارتۋ مينيسترلىگى "بوبەك" ورتالىعىنىڭ ورنىنا بالالارعا ينكليۋزيۆتى ءبىلىم بەرۋ مەكەمەسىن قۇراتىنى حابارلانعان.
پىكىر قالدىرۋ