وسكەمەن قالاسىنىڭ №2 سوتى قايرات ساتىبالدىنىڭ جازاسىنىڭ وتەلمەگەن بولىگىن جازانىڭ نەعۇرلىم جەڭىل تۇرىنە اۋىستىرۋ تۋرالى ءوتىنىشحاتىن قاناعاتتاندىردى.
وعان ساي، جازانىڭ وتەلمەگەن 3 جىل 3 اي 7 كۇنى جازانىڭ نەعۇرلىم جەڭىل ءتۇرى - باس بوستاندىعىن شەكتەۋگە اۋىستىرىلادى.
سوت مالىمەتىنشە، ساتىبالدىنىڭ جازاسىن جەڭىلدەتۋگە، ونىڭ جازا مەرزىمىنىڭ كەمىندە 1/3 بولىگىن وتەگەنى، كەلتىرىلگەن زالالدى (700 ملرد تەڭگە) تولىق قايتارعانى، جازانى وتەۋ ءتارتىبىن بۇزباعانى سەبەپ بولعان.
قايرات ساتىبالدى ق ر قك-نىڭ 28-بابى 3-بولىگىمەن، 189-باپتىڭ 4-بولىگى 2) تارماعى (سەنىپ تاپسىرىلعاننىڭ مۇلكىن جىمقىرۋ)، 28-باپتىڭ 3-بولىگى، 195-باپتىڭ 2-تارماعى (ۇرلىق جاساۋ ماقساتىنسىز زالال كەلتىرۋ) بويىنشا مۇلكى تاركىلەنىپ، مەملەكەتتىك قىزمەت اتقارۋ قۇقىعىنان 10 جىلعا دەيىنگى مەرزىمگە ايىرا وتىرىپ، 6 جىلعا باس بوستاندىعىنان ايىرۋ جازاسىنا سوتتالعان.
پىكىر قالدىرۋ