ق ر وقۋ-اعارتۋ مينيسترلىگى مەكتەپكە دەيىنگى جاستاعى بالالاردىڭ دامۋ كارتاسىن اۆتوماتتاندىردى. بۇل كارتا بالالاردىڭ دامۋىن باقىلاۋعا جانە ولاردىڭ بويىندا داعدىلاردىڭ قانشالىقتى قالىپتاسقانىن باعالاۋعا مۇمكىندىك بەرەدى.

مەكتەپكە دەيىنگى ءبىلىم بەرۋ دەپارتامەنتىنىڭ ديرەكتورى مانار اداموۆا اتاپ وتكەندەي، بۇل كارتا باستاۋىش سىنىپ پەداگوگتەرى ءۇشىن بالالاردىڭ مەكتەپ باعدارلاماسىن ودان ءارى مەڭگەرۋىندە ماڭىزدى قۇرال بولماق. كارتا سيفرلىق فورماتقا اۋىستىرىلىپ، ۇلتتىق ءبىلىم بەرۋ دەرەكتەر بازاسىمەن ينتەگراسيالانعان، بۇل مەكتەپتەرگە اقپاراتتى بەرۋدە مەكتەپكە دەيىنگى جانە باستاۋىش ءبىلىم بەرۋ اراسىنداعى ۇزدىكسىز بايلانىستى قامتاماسىز ەتەدى.

مەكتەپكە دەيىنگى جاستاعى بالالاردىڭ دامۋ كارتاسى ءار بالانىڭ قاجەتتىلىكتەرىن تەرەڭىرەك تۇسىنۋگە جانە ونى مەكتەپتە ءساتتى ءبىلىم الۋعا دايىنداۋعا مۇمكىندىك بەرەدى. كارتادا دامۋدىڭ بارلىق ماڭىزدى اسپەكتىلەرى كورسەتىلگەن: فيزيكالىق جاعدايى، تيپتىك وقۋ باعدارلاماسىن مەڭگەرۋ بارىسىندا قالىپتاساتىن كوممۋنيكاتيۆتىك، تانىمدىق، زياتكەرلىك، شىعارماشىلىق، زەرتتەۋشىلىك جانە الەۋمەتتىك-ەموسيونالدىق داعدىلارى. مۇنداي جۇيەلى ءتاسىل ساپالى ءبىلىم بەرۋدى قامتاماسىز ەتەدى جانە بالالاردىڭ باستاۋىش مەكتەپتە ءساتتى بەيىمدەلۋىنە ىقپال ەتەدى، — دەيدى اداموۆا.

ەلىمىزدە 2-6 جاس ارالىعىنداعى شامامەن 1 ملن بالانى قامتيتىن 11،5 مىڭنان استام مەكتەپكە دەيىنگى ۇيىم جۇمىس ىستەيدى.