الەۋمەتتىك جەلىدە رەسەيلىكتەر ورالعا جاپپاي كوشىپ كەلىپ جاتقانى جونىندە بەينەجازبا تارادى. بقو پوليسيا دەپارتامەنتى اقپاراتتى جوققا شىعاردى، دەپ حابارلادى قازاقپارات.
بقو پوليسيا دەپارتامەنتىنىڭ مالىمەتىنشە، الەۋمەتتىك جەلىدە 26 تامىزعا قاراعان ءتۇنى ورالعا رەسەيدەن بوسقىندار ءۇش اۆتوبۋسپەن كەلگەنى تۋرالى بەينەجازبا كەڭىنەن تاراعان.
"اتالعان اقپارات شىندىققا جاناسپايدى. شىن مانىسىندە بۇلار – رەسەي فەدەراسياسىنداعى جوو-لارعا تۇسكەن بقو مەكتەپتەرىنىڭ تۇلەكتەرى. اتاپ ايتقاندا، بەينەجازباعا قازانعا بارا جاتقان ابيتۋريەنتتەر (135-تەي ادام) تۇسكەن. قوعامدىق ءتارتىپتى بۇزۋ نەمەسە ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرۋ ءقاۋپىن توندىرەتىن كورىنەۋ جالعان اقپارات تاراتقانى ءۇشىن ق ر زاڭىنا سايكەس قىلمىستىق جاۋاپكەرشىلىك قاراستىرىلعانىن ەسكە سالامىز"، دەپ حابارلادى ۆەدومستۆو.
پىكىر قالدىرۋ