بانكتەر تۋرالى جاڭا زاڭ قاجەت. بۇل تۋرالى پرەزيدەنت قاسىم-جومارت توقايەۆ "ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم" اتتى قازاقستان حالقىنا جولداۋىندا ءمالىم ەتتى.
ق.توقايەۆ ۇكىمەت پەن ۇلتتىق بانك بانكتەردىڭ ەكونوميكاعا كوبىرەك قارجى قۇيۋىنا جاعداي جاساۋ ءۇشىن وڭتايلى شەشىمدەر ويلاستىرۋى كەرەكتىگىن ايتتى.
"حالىقارالىق ساراپشىلار قازاق بانكتەرىن رەسۋرسقا باي ەلدەر ىشىندەگى ەڭ كوپ پايدا تاباتىن بانكتەر ساناتىنا قوسادى. سوندىقتان وسى سالاداعى سالىق مولشەرى ءادىل بەلگىلەنۋگە ءتيىس. بانكتەردىڭ اكسيونەرلەرى ديۆيدەندىنە سايكەس سالىق تولەۋى كەرەك. بانكتەرگە مەملەكەت كورسەتكەن كومەك تۇرعىسىنان قاراساق، بۇل – وتە ورىندى ۇستانىم. بىزگە بانكتەر تۋرالى جاڭا زاڭ قاجەت. بۇل قۇجاتتا ەكونوميكالىق بەلسەندىلىكتى قولداۋ جانە فينتەح سالاسىن قارقىندى دامىتۋ سياقتى وزەكتى ماسەلەلەر شەشىمىن تابۋى كەرەك. ءقازىر قولدانىپ جۇرگەن زاڭ شامامەن 30 جىل بۇرىن قابىلدانعان. ول كەزدە زامان دا مۇلدە باسقا بولدى" دەدى پرەزيدەنت.
پىكىر قالدىرۋ