كاسىپكەرلەر "كاپيتالدى زاڭداستىرۋ" ءۇشىن مىندەتتى تۇردە قازاقستان ەكونوميكاسىنا قارجى سالۋ قاجەت بولادى. پرەزيدەنت ق.توقايەۆ كەزەكتى جولداۋىندا وسىلاي دەدى.
پرەزيدەنت بۇل تالاپتى نورماتيۆتىك تۇرعىدان بەكىتىپ الۋ قاجەتتىگىن اتاپ ءوتتى.
– ءتيىستى رەەسترگە ەنگىزىلگەن كاسىپكەرلەرمەن كەلىسىم جاساعان كەزدە مەملەكەتكە قايتارىلاتىن اكتيۆتەردى «زاڭسىز» دەپ تانىماۋ تۋرالى نورمانى بەكىتۋگە بولادى. بۇل – شىن مانىندە، ءىرى كاسىپ يەلەرىنىڭ مۇددەسىنە ساي كەلەتىن ماڭىزدى قادام. ءبىراق كاسىپكەرلەر دە قارجىنى رەسپۋبليكالىق بيۋدجەتكە اۋدارۋ ماسەلەسىنە كەلگەندە ۇكىمەتپەن جانە باس پروكۋراتۋرامەن تىعىز بايلانىستا جۇمىس ىستەۋگە ءتيىس. بۇل – ءار تەڭگە ءۇشىن ساۋدالاسپاي، قاجەتتى شارانىڭ ءبارىن ءوز ەركىمەن جاساۋ كەرەك دەگەن ءسوز. ولار وسى ەلدىڭ ازاماتى رەتىندە مەكتەپ، اۋرۋحانا، ستاديون، مۋزەي جانە باسقا دا الەۋمەتتىك-مادەني نىساندار سالۋعا قوماقتى قارجى بولۋگە مىندەتتى. مۇنداي كاسىپكەرلەردىڭ ەسىمى جومارت جانداردىڭ "التىن تىزىمىنە" جازىلادى. ال ودان باس تارتقان نەمەسە ءسوزبۇيداعا سالعان كاسىپكەرلەرگە قاتىستى اڭگىمە باسقاشا بولادى، – دەدى ول.
