مەكتەپتە ءبىلىم الىپ جاتقان بالالار ءۇشىن قولايلى ورتا مەن ءبىلىم الۋعا دەگەن مۇمكىندىكتىڭ بولۋى ماڭىزدى. دەسە دە، اتا-انا بالاسىنىڭ دەنساۋلىعىن دا ۇمىتپاعان ابزال. دەنساۋلىق ساقتاۋ مينيسترلىگى مەن ۇلتتىق دەنساۋلىق ساقتاۋ ورتالىعى مەكتەپ وقۋشىلارىنىڭ اتا-اناسىنا وقۋ جىلىندا بالالاردىڭ دەنساۋلىعىن ساقتاۋ جانە نىعايتۋ بويىنشا ۇسىنىستارىن ايتتى. 

مەكتەپ سومكەسى نەمەسە ريۋكزاكتىڭ سالماعى باستاۋىش سىنىپ وقۋشىلارى ءۇشىن 700 گرامنان، جوعارى سىنىپ وقۋشىلارى ءۇشىن 1000 گرامنان اسپاۋى كەرەك.

"گادجەتتەردىڭ كورۋ قابىلەتىنە جانە زەيىن قويۋعا كەرى اسەرىن ەسكەرە وتىرىپ، سمارتفوندار مەن باسقا قۇرىلعىلاردى پايدالانۋ ۋاقىتىن قىسقارتۋ ۇسىنىلادى"، – دەدى مينيسترلىك.

سانيتارلىق ەرەجەلەرگە سايكەس كومپيۋتەرلىك ساباقتاردىڭ ۋاقىتى 5 مينۋتتان اسپاۋى كەرەك:

مەكتەپكە دەيىنگى، مەكتەپالدى دايارلىق توپتارىندا (سىنىپتاردا) جانە 1-سىنىپتا – 15 مينۋت؛

2-3 سىنىپتاردا – 20 مينۋت؛

4-8 سىنىپتاردا – 25 مينۋت؛

9-11 (12) سىنىپتاردا – 30 مينۋت.

"اۋرۋلاردىڭ الدىن الۋ ءۇشىن جەكە باس گيگيەناسىن جانە اينالانىڭ تازالىعىن ساقتاۋ قاجەت. بالالاردى انتيسەپتيكتەرمەن قامتاماسىز ەتىڭىز. ولار تەك قولدارىن عانا ەمەس، ءجيى قولداناتىن زاتتارىن – سمارتفونداردى، پورتفەلدىڭ ۇستايتىن جەرىن دە ۇنەمى ءسۇرتۋى كەرەك"، – دەدى دارىگەرلەر.