الماتى وبلىسىندا "مەكتەپكە جول" ناۋقانى جالعاسىپ جاتىر. بۇگىنگە دەيىن 14 مىڭنان استام بالاعان كومەك بەرىلگەن.
وبلىستىق ءبىلىم باسقارماسىنىڭ باس مامانى دۋمان داۋلەتحان ۇلىنىڭ ايتۋىنشا، وڭىردە 432 مەملەكەتتىك مەكتەپ بار جانە وندا ءبىلىم الاتىن 50 مىڭ بالا الەۋمەتتىك كومەككە مۇقتاج. باسقاراما وكىلى بيىل وسى وقۋشىلارعا كومەك كورسەتىلەتىنىن ايتتى.
ال وبلىستىق ءبىلىم باسقارماسىنىڭ "ورتا ءبىلىمدى دامىتۋ" ءبولىمىنىڭ باس مامانى ايىمگۇل ساين قىزى بيىل ءار بالاعا وقۋ قۇرالدارىن الۋعا قارجى بولىنگەنىن اتاپ ءوتتى. ماتەريالدىق كومەك كولەمى سوڭعى 3 جىلدا 2،5 ەسە ارتىپ، 17 مىڭ تەڭگەدەن 43 407 تەڭگەگە جەتكەن.
– وبلىستا جەتىم، اتا-اناسىنىڭ قامقورلىعىنسىز قالعاندارعا، الەۋمەتتىك از قامتىلعان جانە توتەنشە جاعداي سالدارىنان زارداپ شەككەن وتباسىدان شىققان 14 012 بالانىڭ زاڭدى وكىلدەرىنە 608،2 ملن تەڭگە اۋدارىلدى. ماتەريالدىق كومەكتى الۋ ءۇشىن ءار اتا-انا مەكتەپ ديرەكتورىنىڭ اتىنا ءوتىنىش جازۋ قاجەت، – دەدى ايىمگۇل ساين قىزى.
"مەكتەپكە جول" ناۋقانى 20 تامىزعا دەيىن جالعاسادى.
پىكىر قالدىرۋ