استانادا “قازاۆتوجول”-دىڭ بۇرىنعى ءتوراعاسى مەن مەردىگەر ۇيىمدار جەتەكشىلەرىنىڭ ءىسى سوتقا جولداندى، دەپ حابارلادى باس كولىك پروكۋراتۋراسى.
كۇدىكتىلەرگە ەسىل وزەنى ارقىلى كوپىر سالۋعا، "جاقسى-ەسىل – بۋزۋلۋك" اۆتوجولىن كۇردەلى جوندەۋگە بولىنگەن مەملەكەتتىك قاراجاتتى جىمقىردى دەگەن ايىپ تاعىلعان.
“تەرگەۋ نۇسقاسى بويىنشا “قازاۆتوجول” ۇك اق باسشىلىعى مەردىگەرگە نەگىزسىز ارتىقشىلىق ءبىلدىرىپ، ماقساتسىز پايدالانىلعان 200 ملن تەڭگە كولەمىندە اۆانس بەرە وتىرىپ، ءبىر كوزدەن الۋ تاسىلىمەن زاڭسىز شارت جاساستى. كولىك پروكۋراتۋراسى ءىستى استانا قالاسىنىڭ سوتىنا جولدادى” دەلىنگەن پروكۋراتۋرا حابارلاماسىندا.
ءساۋىر ايىندا قارجىلىق مونيتورينگ اگەنتتىگى ۇلتتىق كومپانيانىڭ ەكس-باسشىسى اسقار مۇرات ۇلى ءبىر كوزدەن مەملەكەتتىك تاپسىرىس وتكىزۋ ارقىلى زاڭسىز جولمەن ءىرى كولەمدە قارجى جىمقىردى دەگەن كۇدىكپەن ۇستالعانىن حابارلاعان. ول ۇلتتىق كومپانيانى 2021 جىلعى ساۋىردەن 2022 جىلعى اقپانعا دەيىن باسقارعان.
پىكىر قالدىرۋ