جاندوس بۇركىتبايەۆ دەنساۋلىق ساقتاۋ ۆيسە-مينيسترى قىزمەتىنەن بوساتىلدى. بۇل تۋرالى ۇكىمەت Telegram-داعى رەسمي ارناسىندا مالىمدەدى. 

"ۇكىمەت قاۋلىسىمەن جاندوس قونىس ۇلى بۇركىتبايەۆ بەرگەن وتىنىشىنە سايكەس دەنساۋلىق ساقتاۋ ۆيسە-مينيسترى قىزمەتىنەن بوساتىلدى"، – دەلىنگەن حابارلامادا.

جاندوس بۇركىتبايەۆ 1971 جىلى جامبىل وبلىسىندا دۇنيەگە كەلگەن.

1996 جىلى اسفەندياروۆ اتىنداعى الماتى ۇلتتىق مەديسينا ۋنيۆەرسيتەتىن جالپى مەديسينا ماماندىعى بويىنشا، 2003 جىلى ل.گۋميليەۆ اتىنداعى ەۋرازيا ۇلتتىق ۋنيۆەرسيتەتىن مەملەكەتتىك جانە جەرگىلىكتى باسقارۋ ماماندىعى بويىنشا، 2007 جىلى وڭتۇستىك قازاقستان مەملەكەتتىك مەديسينا اكادەمياسىن "جالپى مەديسينا" ماماندىعى بويىنشا، 2018 جىلى ۆشوز قازاقستان مەديسينا ۋنيۆەرسيتەتىن بىتىرگەن. 

جاندوس بۇركىتبايەۆ ەڭبەك جولىن 1996 جىلى الماتى قالالىق كلينيكالىق جەدەل جاردەم اۋرۋحاناسىندا جالپى تاجىريبەلىك دارىگەر بولىپ باستادى.

وسى جىلدار ىشىندە الماتى قالاسىنداعى رەسپۋبليكالىق اپاتتار مەديسيناسى ورتالىعىندا دارىگەر، دەنساۋلىق ساقتاۋ مينيسترلىگىندە باس مامان، ءبولىم باستىعى، الەۋمەتتىك ماسەلەلەر جونىندەگى كوميتەتتىڭ قىزمەتىن قامتاماسىز ەتۋ باسقارماسى باستىعىنىڭ ورىنباسارى قىزمەتتەرىن اتقارعان.

2008 جىلى استاناداعى قان ورتالىعىن باسقاردى. 2011-2019 جىلدارى ترانسفۋزيولوگيا عىلىمي-وندىرىستىك ورتالىعىنىڭ ديرەكتورى بولدى.

2019 جىلدان باستاپ دەنساۋلىق ساقتاۋ ۆيسە-مينيسترى قىزمەتىنە تاعايىندالعانعا دەيىن جاندوس بۇركىتبايەۆ "ۇلتتىق عىلىمي ونكولوگيالىق ورتالىق" ج ش س باسقارما ءتوراعاسى قىزمەتىن اتقاردى.