قازاقستاننىڭ بۇرىنعى ۋاقىت بەلدەۋىنە كوشۋ ماسەلەسى تەك 3 جىلدان كەيىن قاراستىرىلادى. بۇل تۋرالى ساۋدا جانە ينتەگراسيا ءمينيسترى ارمان شاققالييەۆ مالىمدەدى.
"ۋاقىت بەلدەۋىن اۋىستىرۋ جونىندەگى پەتيسياعا قاتىستى جۇمىس توبى ونىڭ دەنساۋلىققا اسەرىن انىقتاۋ ءۇشىن ءارى عىلىمي زەرتتەۋلەر جۇرگىزۋگە ۋاقىت كەرەك ەكەنىن ايتتى. دەنساۋلىق ساقتاۋ مينيسترلىگى الداعى 3 جىلدا ۋاقىت بەلدەۋىنىڭ اۋىسۋىنىڭ دەنساۋلىققا تەرىس اسەرى تۋرالى زەرتتەۋ جۇرگىزەدى. ال پەتيسيا قابىلدانبادى" - دەدى مينيستر.
سونىمەن قاتار، شاققالييەۆ كەيبىر نارازىلىقتىڭ ۋاقىت بەلدەۋىنەن گورى ءار ازاماتتىڭ تۇتىنۋشىلىق ادەتتەرىنىڭ سالدارى ەكەنىن اتاپ ءوتتى.
ايتا كەتەيىك، 1 ناۋرىزدا قازاقستان UTC +5 ۋاقىت بەلدەۋىنە اۋىسقان. ۋاقىت بەلدەۋىنىڭ اۋىسۋى تۇرعىندار اراسىندا نارازىلىق تۋدىرعان ەدى.
پىكىر قالدىرۋ