اۋىل شارۋاشىلىعى مينيسترلىگى الماتى وبلىسى ۇلكەن اقسۋ اۋىلىندا 2 باس ءىرى قارا مال سىنامالارىنان ءسىبىر جاراسى انىقتالىپ، اۋىلدا كارانتين جاريالانعانىن حابارلادى.
اۋىلعا مال شارۋاشىلىعى ونىمدەرىن اكەلۋگە جانە اۋىلدان اكەتۋگە تىيىم سالىنعان. ۆەتەريناريالىق دارىگەرلەر مالدى تەكسەرۋ، ۆاكسيناسيالاۋ جانە مال يەلەرىمەن ءتۇسىندىرۋ جۇمىستارىن جۇرگىزىپ جاتىر.
دەزينفەكسيا جۇرگىزۋ ءۇشىن اۋىلعا رەسپۋبليكالىق ەپيزووتياعا قارسى وترياد كوشىرىلمەك.
مينيسترلىك قولدانىستاعى الگوريتمگە سايكەس، اۋىلدا ۆەتەريناريالىق-سانيتاريالىق شارالار وتكىزىلەتىنىن، جاعداي ەرەكشە باقىلاۋدا بولاتىنىن جەتكىزدى.
