ماڭعىستاۋ وبلىسىندا مەكتەپ اسحاناسىنان ۋلانعان بالالاردىڭ 17ء-سى ەم الۋىن اياقتاپ، اۋرۋحانادان شىعارىلدى. ستاسيوناردا 75 بالا ەمىن جالعاستىرۋدا، ولاردىڭ دا جاعدايى تۇراقتى، دەپ حابارلادى دەنساۋلىق ساقتاۋ مينيسترلىگى.
اۋرۋ شىققان كەزدەن باستاپ قىزۋى كوتەرىلۋى، ءىشىنىڭ ءوتۋى، لوقسۋ، السىزدىك بويىنشا 460 بالا دارىگەرلەرگە قارالعان. سونىڭ ىشىندە 92 بالا اۋرۋحاناعا جاتقىزىلعان.
"بارلىق ناۋقاستار انتيباكتەريالىق جانە دەزينتوكسيكاسيالىق، سونىمەن قاتار سيمپتوماتيكالىق ەم الۋدا. دارىگەرلەر ىشەك ميكروفلوراسىن قالپىنا كەلتىرۋ جانە رەگيدراتاسيالاۋ بويىنشا زاماناۋي ادىستەردى قولدانۋدا، بۇل ناۋقاستاردىڭ بويىندا اۋرۋدىڭ بەلگىلەرىن ەداۋىر تومەندەتۋگە سەپتىك ەتتى" دەلىنگەن مينيسترلىك حابارلاماسىندا.
6 قىركۇيەك كۇنى مۇنايلى اۋدانىنداعى №8 مەكتەپ اسحاناسىندا بالالار جاپپاي ۋلانعان. اتالعان دەرەك بويىنشا پوليسيا "سانيتاريالىق قاعيدالاردى نەمەسە گيگيەنالىق نورماتيۆتەردى بۇزۋ" ايىبى بويىنشا قىلمىستىق ءىس قوزعادى.
پىكىر قالدىرۋ