ۇلتتىق قاۋىپسىزدىك كوميتەتى استانا جانە ششۋچينسك قالالارىندا اتىس قارۋى مەن وق-دارىلەردىڭ زاڭسىز اينالىمىنا قاتىسى بار ءبىر توپ ادامنىڭ زاڭعا قايشى ارەكەتىنىڭ جولى كەسىلگەنىن حابارلادى.

كوميتەت مالىمەتىنشە، استانادا جۇرگىزىلگەن تىنتۋلەر بارىسىندا قاڭتارداعى تارتىپسىزدىكتەر كەزىندە ۇرلانعان 2 "كالاشنيكوۆ" اۆتوماتى مەن 43 ءوق-دارى، ششۋچينسكىدە – 7 اتىس قارۋى، 4 تاپانشا جانە 1500-دەن استام ءتۇرلى كاليبرلى ءوق-دارى الىنعان.

"جالپى بيىلعى جىلدىڭ باسىنان ۇقك پوليسيا ورگاندارىمەن بىرلەسىپ قارۋدىڭ زاڭسىز اينالىمىنىڭ 13 ارناسىن، سونداي-اق ونى جاسىرىن جاسايتىن 2 سەحتى جويدى. 41 اۆتومات، 203 مىلتىق، 121 تاپانشا، 57 قول گراناتاسى، 1 گراناتاتقىش، 44 جارىلعىش قۇرىلعى جانە ءارتۇرلى كاليبردەگى 11 138 پاترون تاركىلەندى" دەلىنگەن ۇقك تاراتقان حابارلامادا.