ءىرى ينۆەستيسيالىق جوبالار تۇتاستاي العاندا ەل ەكونوميكاسىنىڭ دامۋ كورسەتكىشتەرىنىڭ ءبىرى بولىپ تابىلادى. 2024 جىلى قازاقستان وڭىرلەرىندە قانداي جوبالار باستالدى، ال قايسىسى ىسكە قوسىلۋى جوسپارلانۋدا، بۇل رەتتە قانشا جۇمىس ورنى قۇرىلىپ، اقشا جۇمسالدى، دەپ جازادى Qamshy.kz اقپارات اگەنتتىگى.

استانا

اعىمداعى جىلى ەلوردادا 4 مىڭنان استام جۇمىس ورنىن قۇرۋمەن 272 ميلليارد تەڭگە سوماسىنا 55 جوبانى ىسكە اسىرۋ جوسپارلانعان. بۇل ليفت زاۋىتى، كورپۋستى قۇراستىرۋ قىزمەت كورسەتۋ ورتالىعى، ىشكى جانە سىرتقى قابىرعا پانەلدەرىن ءوندىرۋ، تىگىن فابريكاسى، زاماناۋي لوگيستيكالىق ورتالىق، مەديسينالىق ورتالىق، فەرمەرلەر بازارى جانە ت.ب. سياقتى جوبالار.

ءبىرىنشى جارتىجىلدىقتا 20،3 ميلليارد تەڭگەگە 12 جوبا ىسكە قوسىلدى، بۇل 361 جۇمىس ورنىن قۇرۋعا مۇمكىندىك بەردى.

"نەگىزگى ەكونوميكالىق اسەر جاڭا جۇمىس ورىندارىن قۇرۋ، سالىق تۇسىمدەرىن ۇلعايتۋ، سونداي - اق نارىقتى ساپالى جانە باسەكەگە قابىلەتتى ونىممەن قامتاماسىز ەتۋ بولىپ تابىلادى"، - دەپ حابارلادى اكىمدىك.

سونداي-اق Freedom Finance Global، China Construction Bank Corporation استانا فيليالىنىڭ، Fix Price Group، GRATA International جانە Binance Kazakhstan Technologies باسشىلارى يننوۆاسيالىق جوبالاردى، سونداي-اق ودان ءارى دامىتۋ جوسپارلارىن قوسا العاندا، ءوز قىزمەتىنىڭ ناتيجەلەرىن ۇسىندى.