2025 جىل جۇمىسشى ماماندىقتارى جىلى دەپ جاريالانىپ، كاسىپتىك-تەحنيكالىق ءبىلىم بەرۋدى ەلەۋلى تۇردە قايتا جاڭعىرتۋ جوسپارلانۋدا. بۇل تۋرالى ۇكىمەت وتىرىسىندا ايتىلدى.

جيىن بارىسىندا پرەمەر-مينيستر ۋنيۆەرسيتەتتەر مەن كوللەدجدەردىڭ ءبىلىم بەرۋ باعدارلامالارى اراسىنداعى ساباقتاستىقتى قامتاماسىز ەتۋ قاجەتتىگىن اتاپ ءوتتى.

سونداي-اق ول ۇقساس ماماندىقتار بويىنشا ۋنيۆەرسيتەتتەردە وقۋىن جالعاستىرىپ جاتقان كوللەدج تۇلەكتەرىنە ارنالعان گرانتتار سانىن ۇلعايتۋدى تاپسىردى.

بۇگىنگى تاڭدا قازاقستاندىق 772 كوللەدجدە 15 باعىت بويىنشا ماماندار دايارلانۋدا. جۇمىسشى ماماندىقتارى بويىنشا جۇمىسقا ورنالاسۋ دەڭگەيى 70%-عا جەتەدى. بۇعان دەيىن كوللەدجدەرگە بيۋدجەت ەسەبىنەن جىل سايىن 93 مىڭعا جۋىق ستۋدەنت قابىلدانىپ كەلسە، بيىل ولاردىڭ سانى 142،5 مىڭعا دەيىن جەتكەن. بيىل كوللەدج ستۋدەنتتەرىنىڭ ستيپەنديالارى 50%-عا ءوستى.