استانادا ق ر كونستيتۋسياسى كۇنى قارساڭىندا دوسمۇحامەدوۆ كوشەسى، 2 مەكەن-جايىنداعى №55 ورتا مەكتەپتە بايقوڭىر اۋدانىنىڭ تۇرعىندارى اراسىندا فۋتبول ءتۋرنيرى ءوتتى، دەپ حابارلايدى قالالىق اكىمدىكتىڭ رەسمي سايتى.

تۋرنيرگە بايقوڭىر اۋدانىنىڭ تۇرعىندارى قاتىستى.

ۇيىمداستىرۋشىلاردىڭ ايتۋىنشا، ءىس-شارا جىل سايىن تۇراقتى نەگىزدە وتكىزىلەدى. ماقساتى-سالاۋاتتى ءومىر سالتىن ناسيحاتتاۋ، حالىق اراسىنداعى دوستىق بايلانىستاردى نىعايتۋ. فۋتبول تۋرنيرىنە 5 كوماندا قاتىستى:" كومەك" سك مەكەمەسى، "ەسىل" ساۋدا ءۇيى، قازگورودوك تۇرعىن الابى، استانا قالاسىنىڭ بايقوڭىر اۋدانىنىڭ قورعانىس ىستەرى جونىندەگى ءبولىمى جانە "ءوندىرىس"دەنە شىنىقتىرۋ-ساۋىقتىرۋ كەشەنىنىڭ كوماندالارى.

فۋتبول ءتۋرنيرىنىڭ جەڭىمپازدارى:

1 ورىن - "كەرەمەت" سك مەكەمەسىنىڭ كومانداسى ؛

2 ورىن - "ەسىل"ساۋدا ءۇيىنىڭ كومانداسى ؛

3 ورىن-استانا قالاسى بايقوڭىر اۋدانىنىڭ قورعانىس ىستەرى جونىندەگى ءبولىمىنىڭ كومانداسى.

ويىننان كەيىن جەڭىمپازدار 1،2،3 دارەجەلى ديپلومدارمەن، مەدالدارمەن، سىيلىقتارمەن ماراپاتتالدى.

ۇزدىك قاقپاشى، قورعاۋشى، شابۋىلشى، ويىنشى دا ۇسىنىلدى.

"ءىس-شارانىڭ باستى ماقساتى-قالا تۇرعىندارى اراسىندا بۇقارالىق سپورت جۇيەسىن دامىتۋ. ءبىز جىل سايىن وتكىزىلەتىن ويىنداردى ۇيىمداستىرا الاتىن بولساق، بۇل وتە جاقسى. مەن ءبىرىنشى رەت قاتىسىپ وتىرمىن"، - دەدى" ەسىل " كومانداسىنىڭ ويىنشىسى ءازىمحان جاسۇلان ۇلى.