ەلوردالىق "جاستار" تەاترىندا اباي كۇنىنە ارنالعان "اباي اماناتى" پوەزيا كەشى ءوتتى، دەپ حابارلايدى استانا اكىمدىگىنىڭ رەسمي سايتى.

كەشتى استانا قالاسى اكىمدىگىنىڭ تىلدەردى دامىتۋ جانە مۇراعات دەلا باسقارماسى ۇيىمداستىردى. بۇل ءىس-شاراعا عالىم، ويشىل، اقىن، اعارتۋشى، قازاق ادەبيەتىنىڭ نەگىزىن قالاۋشى اباي قۇنانباي ۇلىنىڭ مۇراسىنا ارناعان كورنەكتى ابايتانۋشى عالىمدار مەن قوعام قايراتكەرلەرى قاتىستى.

ولاردىڭ قاتارىندا قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى، قازاقستاندىق ەسترادا جۇلدىزى التىناي جورابايەۆا، "قۇرمەت" وردەنىنىڭ يەگەرى سۇندەت بايعوجين، حالىقارالىق بايقاۋلاردىڭ لاۋرەاتى ەران رىسقالي، ROYAL quartet جانە ايتىسكەر، اقىن مەيىربەك سۇلتانحان، سونداي-اق "جاستار تەاترى"دارىندى ۇجىمى بار.

شىعارماشىلىق كەش ۇلتتىق اسپاپتار ءانسامبلىنىڭ ونەرىمەن اياقتالدى.

كەش "بالا اباي"، "جاس اباي" جانە "دانا اباي"بەينەسيۋجەتتەرىمەن اشىلدى. سونداي-اق اباي اندەرى شىرقالدى. ال اقىن-ايتىسكەر مەيىربەك سۇلتانحان ابايعا ارنالعان ولەڭ وقىدى. سونداي – اق، كەش بارىسىندا "جاستار تەاترى" ۇجىمى اباي-توعجان سپەكتاكلىنەن ءۇزىندى قويدى.